富山麵家

营业中

休息中

铜锣湾呢间拉面店定期会推出唔同嘅卡通主题，今次嘅主题就轮到PC狗，每款食物造型都好精致，童年回忆即刻返晒黎。今次仲推出咗限定版珍藏拉面碗连汤匙、挂饰公仔同埋环保袋购物袋。黑酱油拉面拉面配搭日式叉烧、猪软骨、糖心蛋、海苔、竹笋和PC狗造型鱼片。独家研制嘅黑酱油汤用咗鸡骨、猪骨同鲜鱼等等熬制，汤头浓厚鲜甜。特制黑松露忌廉乌冬呢碗忌廉乌冬造型可爱到唔舍得食了！面层铺满忌廉，入口顺滑带黑松露香气，乌冬软硬适中，仲配搭咗炸鸡块、蟹柳、甜蛋、紫菜、炸秋葵同埋鹌鹑蛋，真系好丰富。特制虾饺PC狗造型嘅迷你虾饺放咗系一个小蒸笼入面，好似一只只PC狗BB，卖相非常吸引。特制北海道牛奶芭菲芭菲底层系满满嘅啫喱，上面系PC狗造型嘅北海道牛奶雪糕，旁边放满新鲜生果粒粒、芋圆同埋啫喱糖，口感层次丰富。特制啫喱青苹果梳打/特制可尔必思梳打梳打味道清新，配搭啫喱增添口感，上面铺满厚厚嘅忌廉，仲放咗可爱嘅PC狗棉花糖，冰冰凉凉，解渴一流。