影片
更多
2022-12-20
47 浏览
今日放假日又就黎圣诞节，去开荃湾就同妈妈去揾间小店食😚问左妈妈原来佢未食过越南菜，于是揾左阵资料就决定带妈妈食呢间位于荃湾既小越厨。.虽然地点唔算方便，地铁站再行12、13分钟，但食完今餐就知冇白行一趟！入到铺头见到铺面唔算大 ，应该坐大约20人，但见到老板都俾好多心机，会有好多越南特色既摆设装潢🇻🇳.等左一阵店员招呼我地埋位，比左menu我地，仲推介我地食2人餐($188)。2人餐有两份主食(饭/面)、小食拼盘(可拣3样小食)、仲有两杯野饮，价钱的确好抵。🤩.主食我叫左招牌火车头汤檬粉，入面有生牛肉、牛筋同牛筋丸。食汤面我都惯左先饮啖汤，因为汤先系汤面既灵魂。汤底系牛骨汤，味道好浓郁但唔会觉得好浊，而且有肉既甜味，饮左几啖已经感受到老板既心机。🥰配料都好有诚意，份量够多；生牛肉有四五大块，肥瘦适中；牛筋丸够爽弹，牛味都好足够；不得不赞系牛筋，够大同厚但一咬就断，就知道煮得够腍，做到入口即溶！👍🏻.因为妈妈唔食牛肉，所以叫左蕃茄蟹膏汤檬粉。入而有扎肉、豆卜、蟹膏，同样份量好多。不得不说佢个汤世界级好饮，够杰身就知落足料煲；蟹膏极有蟹既鲜甜味，配埋蕃茄酸酸甜甜，连食量细既妈妈都饮哂成碗汤
问左妈妈原来佢未食过越南菜，于是揾左阵资料就决定带妈妈食呢间位于荃湾既小越厨。
.
虽然地点唔算方便，地铁站再行12、13分钟，但食完今餐就知冇白行一趟！
入到铺头见到铺面唔算大 ，应该坐大约20人，但见到老板都俾好多心机，会有好多越南特色既摆设装潢🇻🇳
.
等左一阵店员招呼我地埋位，比左menu我地，仲推介我地食2人餐($188)。2人餐有两份主食(饭/面)、小食拼盘(可拣3样小食)、仲有两杯野饮，价钱的确好抵。🤩
.
主食我叫左招牌火车头汤檬粉，入面有生牛肉、牛筋同牛筋丸。
食汤面我都惯左先饮啖汤，因为汤先系汤面既灵魂。汤底系牛骨汤，味道好浓郁但唔会觉得好浊，而且有肉既甜味，饮左几啖已经感受到老板既心机。🥰
配料都好有诚意，份量够多；生牛肉有四五大块，肥瘦适中；牛筋丸够爽弹，牛味都好足够；不得不赞系牛筋，够大同厚但一咬就断，就知道煮得够腍，做到入口即溶！👍🏻
.
因为妈妈唔食牛肉，所以叫左蕃茄蟹膏汤檬粉。
入而有扎肉、豆卜、蟹膏，同样份量好多。不得不说佢个汤世界级好饮，够杰身就知落足料煲；蟹膏极有蟹既鲜甜味，配埋蕃茄酸酸甜甜，连食量细既妈妈都饮哂成碗汤（我都偷饮左好几啖🤭）。
.
小食拼盘我地拣左虾饼、鱼饼、香茅鸡翼。
本身系叫扎肉，店员都好细心同我地讲檬粉已经有扎肉，可以试下其他小食，呢点要加分。😆
鱼饼正常，配埋泰式辣酱够惹味；鸡翼香茅味够重，鸡皮煎到好脆身；虾饼又系世一，食得出用鲜虾打成虾胶再煎，又系诚意之作～🤤
.
另外我地再加一份小食：炭烧猪肉串($36 4串)，烧得好香，好似食紧台湾猪肉肠，外皮脆猪肉juicy。😋
饮品我就叫左杯泰式奶茶同牛油果奶昔(奶昔加$20)
奶茶奶味够浓、茶底够香。😚
牛油果奶昔出面好少见，牛油果够香但饮落唔会滞。🌱
.
总括黎讲，我同妈妈都好享受今个晚餐，老板煮每样野都好有诚意，而且价钱亲民💵
我妈妈仲叫我下次一定要带埋另一半黎食🤣
张贴
