壽司郎 (瓊華中心)

营业中

休息中

寿司郎系来自大阪嘅日本第一回转寿司品牌，喺香港已经开张左一段日子，分店亦都愈黎愈多，不过排队堂食嘅人龙一样系咁长，大家对佢嘅热情无减退过！食过一次，应该都体会到点解佢可以一直咁受欢迎。佢地嘅卫生同服务态度做得唔错，有提供湿纸巾消毒双手、胶袋包口罩，又见到啲员工成日消毒双手。而且寿司价钱平，最平12蚊就有2件寿司，质素都对得起个价钱，试问点会唔吸引呢🤩🤩今次叫左寿司加甜品，总共28碟，埋单440蚊。除左必食寿司之外，好多人都话寿司郎系被寿司耽误嘅甜品店，所以我都另外仲叫左2个甜品，卡达拉娜、朱古力香莓芭菲。卡达拉娜食落口感似雪糕、芝士蛋糕及焦糖布丁嘅混合版，表面再洒上砂糖用火枪烤成香脆嘅焦糖，有唔同口感嘅层次，极推荐🤤👍👍👍朱古力香莓芭菲就嘛嘛地喇，偏甜而且都几多忌廉（怕肥🙈）不过上面𠮶粒朱古力布朗尼好浓朱古力味，好好味，搭埋啲雪糕一齐食就啱啱好。