影片
更多
2017-03-20
1855 浏览
同朋友倾计，问佢最近有咩西餐推介，朋友二话不说就讲左星厨，佢话好抵食既西餐，尤其是系佢咸猪手。今日下午决定试试下佢既食物质素，正既话揾晚再黎食！由太子C出口，沿住荔枝角道行大约2分钟，就会系一系列食肆中见到星厨呢个大招牌。入面装修都几简单，格局似茶餐厅，两旁是卡位，不过都有梳化凳坐，而且都无茶餐厅咁迫硖既！我下午茶时间黎，空位多任我拣虽然过左午餐时段黎，但依然系午餐既餐牌，睇黎无下午茶既餐牌。门口已经见到手写既午餐餐牌，但每枱都有呢个同样系手写既餐牌，感觉亲切～午餐价钱全部都唔过$50蚊，连埋餐汤餐饮同是日雪糕但食物选择大部份都唔系cheap cheap野㖞！最贵既大虾黒松露意粉都系$48蚊！但我已经食左午餐，所以叫左个炸鱼柳配沙律。是日餐汤今日系罗宋汤，岩我（寻晚锯完扒仲有d漏～）入面有唔少杂菜粒，洋葱蕃茄菜粒等，汤唔会太浓或太稀，还可以～杂菜沙律配炸鱼柳 $45我身为一个黑洞，成日觉得吾够食唔够大份，但店员放低呢个炸鱼沙律时，我真系大叫左一声：「哗！原来咁大份架！」好夸张！！放只手系格离就睇到佢有几长！！虽然我系第一次见到有J字型既炸鱼柳，佢个样都唔似平时fish n chips果
由太子C出口，沿住荔枝角道行大约2分钟，就会系一系列食肆中见到星厨呢个大招牌。入面装修都几简单，格局似茶餐厅，两旁是卡位，不过都有梳化凳坐，而且都无茶餐厅咁迫硖既！我下午茶时间黎，空位多任我拣
虽然过左午餐时段黎，但依然系午餐既餐牌，睇黎无下午茶既餐牌。门口已经见到手写既午餐餐牌，但每枱都有呢个同样系手写既餐牌，感觉亲切～午餐价钱全部都唔过$50蚊，连埋餐汤餐饮同是日雪糕但食物选择大部份都唔系cheap cheap野㖞！最贵既大虾黒松露意粉都系$48蚊！但我已经食左午餐，所以叫左个炸鱼柳配沙律。
是日餐汤今日系罗宋汤，岩我（寻晚锯完扒仲有d漏～）入面有唔少杂菜粒，洋葱蕃茄菜粒等，汤唔会太浓或太稀，还可以～
杂菜沙律配炸鱼柳 $45我身为一个黑洞，成日觉得吾够食唔够大份，但店员放低呢个炸鱼沙律时，我真系大叫左一声：「哗！原来咁大份架！」好夸张！！放只手系格离就睇到佢有几长！！虽然我系第一次见到有J字型既炸鱼柳，佢个样都唔似平时fish n chips果啲咁靓仔，但佢真系件有内涵既炸鱼
相机食左一阵，皮依然脆口，炸浆好薄身，但睇落厚，系因为佢炸得好松脆，有种千层酥既感觉，唔会好似食fish n chips果种好厚身成块炸浆咁食！好少食到呢种炸鱼！
至于鱼肉，完全唔会有任何雪藏感之余，仲要好滑嫩鱼肉一切即开，层次分明，每层肉之间都有唔少油脂，更添滑溜感，讲真最近食左唔少煎鱼柳或者fish n chips，都无一个比呢个滑身，而鱼肉本质微微鲜甜，更唔洗讲会有咩枚既感觉所以无论鱼肉质素同炸功一样出色！！而炸鱼另一重点既沙律酱亦为呢个炸鱼不少，但我竟然无点哂，因为本身个鱼柳已经好好食
伴碟既沙律菜有少量千岛酱，混合埋沙律菜，中和左炸鱼既腻感，沙律菜亦唔系生菜，系少见幼身既沙律菜，新鲜，但个人较喜好罗马生菜，口感更爽脆。
呢个咁令人满意既下午茶餐，只系四十五蚊，仲要无加一，多谢朋友既推介！
张贴
