永合成馳名煲仔飯

营业中

休息中

这间曾经位于上环好出名的煲仔饭，已经搬到西环了，见天气冻，谂住过嚟试吓！下午12时正准时到达，见到里面只有两枱人，好容易就揾到位，啲店员好都几热情，即刻介绍我哋食煲仔饭！之前做过啲功课，知道最出名系窝蛋牛肉煲仔饭，见有得加腊肠润肠，马上加咗润肠！我觉得佢嘅价钱都几进取，差唔多$100一个煲仔饭！加埋润肠差唔多$120，仲有要加$10先有饭焦，差唔多$130一个饭！既然一场嚟到，就豪一次！听讲佢嘅豉油王鸡翼都好出名，我今次要咗一个辣嘅，一次过试埋！等咗10分钟，就有得食！打开个饭煲，真系热腾腾！加咗啲少少豉油，就开始食饭！个底讲完有好多饭焦，唔知系咪落多咗少少豉油，本身啲牛肉有少少咸，整体食唔到牛肉嘅味道，只系食到啲饭焦同埋咸嘅味道，而且佢嘅豉油冇乜甜味！唔知系咪期望过高，坦白讲，$130 食一个煲仔饭，觉得唔系好值！同埋我好难明白，点解食煲仔饭系要加钱先有饭焦呢？我都系第一次听！觉得有收左我少少智商税🤔！另外，鸡翼反而俾个饭出色好多，睇得出有诚意，不过又未至于要特登嚟食！试过一次就算！