影片
更多
2023-10-26
1063 浏览
本人是这家酒楼多年以来常客虽然职员有时比较冷漠，但因为位置方便邻近屋企，食物质素有保证，周末或有亲戚访港亦会介绍他们。但今晚食完后一肚气！是日一早已订位 （知道Walk in未必有位，常常爆场），一大班亲朋戚友高高兴兴去到。当想叫最出名的片皮鸭时，侍应说已经卖完，想食要订定（心谂冇办法啦，自己冇提早预订）之后想落单，附近几位侍应见到我哋举手但扮睇唔到！然后终于有位侍应过嚟落单，落单后一心谂住等上菜，过咗一阵间侍应回头说其中一道菜 油鸡已卖哂，问我哋介唔介意转其他鸡，开头我哋话唔介意，他便转身去厨房下单但之后我哋醒起叫嘅油鸡系特价菜，问返侍应嘅时候佢话转左其他鸡就没有特价（咁如果我哋冇问咪收多咗我哋钱！？)家人: 点解你唔讲转左其他鸡会收多咗钱？侍应: 系咁㗎啦，其他鸡系其他价钱 (语气理直气壮）我:🤯咁我哋其他𩠌都唔要啦，因为我哋想要食嘅菜式你哋无，落单前又唔讲清楚卖哂，改咗菜式唔同价钱亦都冇同我哋讲清楚侍应此时就叫男经理过来男经理: 唔好意思，今日就系冇油鸡，𠮶位话有嘅职员，听日唔会再见到佢。我可以送甜品我: 送甜品系冇用，我哋唔介意俾原价，但系你哋应该要预告定俾我哋知男经理：明白嘅
虽然职员有时比较冷漠，但因为位置方便邻近屋企，食物质素有保证，周末或有亲戚访港亦会介绍他们。但今晚食完后一肚气！
是日一早已订位 （知道Walk in未必有位，常常爆场），一大班亲朋戚友高高兴兴去到。当想叫最出名的片皮鸭时，侍应说已经卖完，想食要订定
（心谂冇办法啦，自己冇提早预订）
之后想落单，附近几位侍应见到我哋举手但扮睇唔到！然后终于有位侍应过嚟落单，落单后一心谂住等上菜，过咗一阵间侍应回头说其中一道菜 油鸡已卖哂，问我哋介唔介意转其他鸡，开头我哋话唔介意，他便转身去厨房下单
但之后我哋醒起叫嘅油鸡系特价菜，问返侍应嘅时候佢话转左其他鸡就没有特价
（咁如果我哋冇问咪收多咗我哋钱！？)
家人: 点解你唔讲转左其他鸡会收多咗钱？
侍应: 系咁㗎啦，其他鸡系其他价钱 (语气理直气壮）
我:🤯咁我哋其他𩠌都唔要啦，因为我哋想要食嘅菜式你哋无，落单前又唔讲清楚卖哂，改咗菜式唔同价钱亦都冇同我哋讲清楚
侍应此时就叫男经理过来
男经理: 唔好意思，今日就系冇油鸡，𠮶位话有嘅职员，听日唔会再见到佢。我可以送甜品
我: 送甜品系冇用，我哋唔介意俾原价，但系你哋应该要预告定俾我哋知
男经理：明白嘅，但系厨房已经接咗单煮紧，我送半只烧鸡俾你啦，唔好意思
我: 好啦咁
此时经理态度尚可接受
食完成餐饭叫侍应可以上甜品的时候，男经理气冲冲声大夹恶行过来，向着我长辈用福建话（可能听到我哋讲福建话）说：我已经送半只烧鸡，不能再送甜品。我只系打份工已经赔了钱送烧鸡，大家都系福建人，做人不能这样，之后就走咗去
此时我的面口已经🤬🤬🤬但现场都是长辈，长辈谂住息事宁人就算，多一事不如少一事
最后叫埋单时，几个侍应继续行行企企，见到我哋举手都继续扮睇唔到！
其实解释返已经送咗半只烧鸡代替咗甜品咪得啰，使唔使咁凶狠呢？使唔使讲祖宗呢？谁大谁恶谁正确？今时今日咁嘅服务态度系完全不能接受，啲语气仲难听过讲粗口
希望管理层能够正视问题！见到网上已经有好多人留言投诉职员态度，尤其是男经理。今日亲身经历真系俾钱买难受，集团式经营的酒楼员工(甚至经理级)持有这种服务态度，真的令我另眼相看！
其实北角/炮台山有好多食肆选择，行前少少过对面马路已经有间酒楼。奉劝大家如果真的要光顾这间酒楼
1.一定要预约位置和菜式
2.要有高尚情操忍受俾人长期忽视
3.菜单上有嘅菜式唔一定会有，就算落咗单都唔一定食到
张贴