Park café

见到呢间酒店有自助餐优惠，上去睇下有咩选择，见到除咗有自助午餐及晚餐之外、仲有个下午茶餐、两位用收费$341。二话不说就订位。去到坐低就发现唔对路，我被安置在间小房中而不是坐近自助餐区！跟住听到旁边枱的食客低声讨论原来唔系食自助餐，先知唔少人被广告误导了！😡心谂嚟到呢个地步都冇乜嘢可以做，唯有做次蠢仔啦🥲到了所谓下午茶餐上枱、再一次失望咗，好心佢学下人哋唔食得都要睇得先，佢求其到就咁攞个木盘放晒所有食物上去，一点心思都冇！最起码用个几层高的食物架啦，望落去都高贵啲先。都算、啲嘢食好似放咗好耐咁、面冇血色、颜色暗哑，味道方面比起坊间的茶餐厅更不堪，𠮶个声称朱古力流心蛋糕明显系现成行货，攞入微波炉叮返热就上碟，流都唔流嘅？！甚至乎普通一杯Cappuccino都冲得淡而无味！唯一可以赞嘅系附近得几枱食客，算是清静中渡过这次被误导的自助下午茶餐😮‍💨 ，希望啲人睇到我嘅食评后唔好上当啦！小彩蛋系我身后有个太太埋单后，有意无意咁讲「顶呀！仲谂住系自助餐？真系揾笨！」🤪