八麵棧 (信和工商中心)

营业中

休息中

有得选择的话，一定唔再帮衬，就算好味都系咁话！12点左右打去叫外卖，姨姨话而家做，我话冇问题，同一座大厦，等到12:45未到，打去问，话岀左，等下啦，到1点再打去问又话岀左，我话头先45分已经话岀左，会否漏单？姨姨话系岀左丫，要等䢂多人丫，我心谂有乜理由十几分钟都撘问倒䢂落黎？跟住谷鬼气自己冲上去，点知个外卖就咁放左系门口度！真系离谱！食饭时间得一个钟，我1点15分先有得食，问亲都话外卖岀左，忙唔紧要，我体谅，但都讲句冇人送外卖自己上去攞啦，又唔讲，打上去问佢地啲态度又差，好似争佢钱咁！大佬丫，我明白小店冇乜服务提供，帮衬完就走，但都唔系咁样丫！我帮衬左几年，真系谷气，而家忍唔住先响度讲咋！服务1分都唔想比，只系冇得冇分！