西龍傳香飯糰 (已結業)

仲记得十年八年前Lee 间饭团店系地铁站附近唔难揾到，而且饱肚健康又方便，后来好似净番西九龙中心Lee 间分店。由于大病初愈，唔可以食煎炸食物，又咁岩路过lee间饭团店勾起好多回忆(几多岁就唔讲la )忍唔住要买番个食下买左个猪颈肉粟米肉松饭团加紫米豆浆套餐，因为岩食又唔洗谂。自选既话虽然有好多选择，但会贵少少同对有选择困难既人尼讲系好痛苦。。。。。见到店员姐姐用热辣辣既紫米饭即叫即做，加入各样材料，真系隔住个玻璃都好想食！豆浆有几种口味，有室温同冻饮选择。一打开，个饭团系出烟ga!好感动！可能自己已经食左成个礼拜粥水，第一个饭团特别好味！咁多种材料特别钟意肉松，个人认为同饭团最match。粟米都好，但就容易跌到周围都系。。。。。个豆浆唔算甜，味道适中，又有紫米香味，食完成个人完全饱肚，好满足！（对于一个病人尼讲一d都唔夸张）不过眼见客人真系唔多，店舖位置又比较唔起眼，希望可以继续有得食！