春水堂人文茶館 (創紀之城五期(apm))

营业中

休息中

同朋友饭聚一致决定试大家未试过嘅春水堂。餐厅环境唔错，宽躺整洁，虽然无得订枱，但平日六点半前人唔多可以轻轻松松入座唔洗等，仲要无限时可以慢慢吹水慢慢食，非常好！因为我无做定功课所以嚟之前我并唔知道原来系台式餐厅，仲要系自私食即系一人一个餐无得share！我点咗个红烧牛肉面，虽然有几款唔同嘅面款，但由于系预设餐单面款配搭无得随意转换，我碗面淋到连无牙婆都食到，无口感又无质感，基本上唔系面而系面状嘅糊仔先啱。而件牛腩虽然煮到好淋但一啲都唔入味，如果唔话我知我仲以为系汤渣。记得menu上碗面系有辣椒示意，但汤底却完全唔辣又唔香浓，整体来讲就系难食！至于饮品我点咗珍珠绿茶少甜，珍珠都几多而且偏细粒几烟韧，而绿茶都唔错算几清香，即使少甜都唔觉茶底苦涩！最后我哋八点几左右走门口已经大排长龙，今餐每人百四蚊左右，睌餐来讲价钱算合理，但可惜食物唔得，但饮品同环境是可以的，我谂下次可能嚟tea会适合啲！