餃掂手工餃子雲吞專門店

听讲呢间饺子嘅店铺好有名，一直都好想试，机会难得，来到铜锣湾就试下。至尊松茸猪肉饺 & 状元九鼎汤相信试过嘅话，一定唔会否认佢系镇店之宝。饺子皮厚薄适中，望落已经觉得饱满晶莹。饀料肥瘦适中，猪肉混合左松茸系一齐，松茸嘅鲜香，令每粒饺子嘅味道提升左一个层次。若果想味道再有变化，会有两款酱汁，亦可带岀松茸同猪肉嘅鲜味。另外配有状元九鼎汤，好香嘅粉葛味同淡淡鱼香味，用左活鲮鱼﹑活鲗鱼﹑红萝卜﹑排骨等材料，饮落好顺喉，感觉油应该唔系落左好多，相当健康。唔怪得佢嘅定价稍微高少少，因为真系好好食！云吞面 面食落好弹牙，唔易断。云吞虽然细细粒，但一共有成12粒。云吞皮薄，啖啖肉，咬落其实几爽，肉香味鲜，不过个清汤略嫌有点咸。黄金原味皮蛋外表有点似啫喱般透明爽弹，皮蛋好香，蛋黄仲有少少流心。同平时食开唔同嘅系，佢香得来好似冇果种刺鼻嘅气味。上汤松茸时蔬菜心食落好新鲜，不过加左松茸嘅上汤饮落有点咸，可以不用太重手。自家制山楂雪梨水 用左山楂、甘草、麦芽、冰糖等多种材料一齐制作，山楂味其实几出，带点酸甜味，饮落都几滋润开胃。