影片
更多
2024-10-23
2070 浏览
正日生日，看到有优惠即管试下，看到标题系咁话自己系米之莲三星，用餐后觉得一星还不到😩，为了其他人不再受骗，决定写下这篇食评😌首先一入门口，已经俾餐厅嘅布置吓一吓，全部都系Halloween嘅布置，之后坐定咗，见到原来系一间酒吧，仲要系门口大开对街，一啲privacy都冇，迷之莲三星嘅餐厅怎会如此🤦🏻♀️讲返食物，我哋preorder咗8道菜套餐，套餐头盘生蚝6只加一蚊再送多两只，梗系加多一蚊啦，生蚝送上时都吓咗一吓，因为每只都好似手掌咁大只，睇落好似好正，点知食落唔够冻同冇海水味，实在太失望，原本order咗白酒送生蚝，食咗两只生蚝白酒都未到，唯有催一催伙记，冇错，佢哋真系似伙记多过侍应，催咗几次，最终我哋问杯白酒几时到，伙记解释话因为揾紧开瓶器，所以迟咗😱，听完觉得好匪夷所思，一间餐厅连开瓶器都冇😳第一度菜上澳洲小龙虾刺身，摆盘都唔错，有啲吸睛，个sauce食落酸酸甜甜好醒胃，但系食个片龙虾刺身就出事，唔够冻、唔够爽身、冇刺身嘅甜味😔第二度菜法国传统焦糖炖蛋鹅肝一上来看到系一个似蛋挞嘅物体，但系上面冇焦糖，仲要个挞系微暖，叫伙记来问下，佢哋话唔可以热食，因为鹅肝会溶😳，咁嘅解释我都系
首先一入门口，已经俾餐厅嘅布置吓一吓，全部都系Halloween嘅布置，之后坐定咗，见到原来系一间酒吧，仲要系门口大开对街，一啲privacy都冇，迷之莲三星嘅餐厅怎会如此🤦🏻♀️
讲返食物，我哋preorder咗8道菜套餐，套餐头盘生蚝6只加一蚊再送多两只，梗系加多一蚊啦，生蚝送上时都吓咗一吓，因为每只都好似手掌咁大只，睇落好似好正，点知食落唔够冻同冇海水味，实在太失望，原本order咗白酒送生蚝，食咗两只生蚝白酒都未到，唯有催一催伙记，冇错，佢哋真系似伙记多过侍应，催咗几次，最终我哋问杯白酒几时到，伙记解释话因为揾紧开瓶器，所以迟咗😱，听完觉得好匪夷所思，一间餐厅连开瓶器都冇😳
第一度菜上澳洲小龙虾刺身，摆盘都唔错，有啲吸睛，个sauce食落酸酸甜甜好醒胃，但系食个片龙虾刺身就出事，唔够冻、唔够爽身、冇刺身嘅甜味😔
第二度菜法国传统焦糖炖蛋鹅肝
一上来看到系一个似蛋挞嘅物体，但系上面冇焦糖，仲要个挞系微暖，叫伙记来问下，佢哋话唔可以热食，因为鹅肝会溶😳，咁嘅解释我都系第一次听，咁上面个焦糖又去咗边？呃我未食过crème brûlée 🤪
第三度菜炸法国康提芝士软壳龙虾沙律
上菜时伙记话系软壳蟹，我话唔系龙虾咩，当时质疑自己系咪记错，食落真系龙虾，唔系软壳蟹😩，呢个菜系热荤喇啩，点知都系唔热啰，顶多系微暖⋯⋯
第四度菜法式传统澳洲龙虾汤
个汤都系暖的，无温度，无包送，无威士忌味，好似罐头汤啊😭
第五度烟熏原只澳洲龙虾
上菜都好professional，在你面前打开玻璃罩，烟雾即出，有啲睇头，但系点解冇烟熏味😷，仲有，只龙虾只有两只手指加埋咁大，乜有龙虾咁细只嘅🥴
第六度三选一，我哋拣咗韩牛牛肋骨同方头鱼
韩牛，超级劲难食，似系落咗梳打粉腌嘅牛肉，完全冇牛嘅Texture，味道仲好差🤮
方头鱼都好少少，竖鳞做得唔错，好脆脆，但系都系冇鱼味🥴
第七度塔斯曼尼亚海胆带子薏米饭
伙记送上龙虾薏米饭，我哋影完相之后，伙记话等等，原来系上错，个饭系隔离枱嘅😵💫，之后随即送返去隔篱枱，碟𩠌如果系我嘅我一定唔会要啰🤢，之后上返啱个海胆薏米饭，我哋食咗几啖，都唔差，但系一食个海胆就出事，个海胆系臭的，仲有苦味，吐都吐唔切，唉，失望到我哋连叫个伙计换都唔想🥴
第八度龙虾柚子雪葩
呢道菜叫正正常常，但只可以叫一般，没有惊喜，甜品嚟讲只可以叫合格😮💨
原价每人$1388，经kkday有七折，连酒水埋单total $2000
咁嘅价钱我一定永不回头，浪费金钱同时间，超级劲失望的一餐，如果你哋想试吓我讲嘅嘢真唔真，又有好多钱唔怕嘥，都可以试吓嘅，我真心希望你哋唔好俾佢呃啰。
张贴
