Knockbox Coffee Company (已結業)

原本想揾间coffee shop轻食下午茶，见有评语话呢间系pasta世一咁夸张，好奇下就叫左个pasta red + long black试试。先讲long black: 选左Fruity口味，入口浓滑有choco味之余又带果香，继续保持一贯优质水准。轮到个pasta: 用Impossible植物肉做嘅肉酱螺丝粉，上台卖相唔错。pasta茄汁香浓够杰身，蕃茄酸度适中，加上螺丝粉嘅独特结构，啲汁完全挂到上pasta，第一啖入口酸微微嘅感觉令我食欲大增！而且煮螺丝粉时间掌握得恰到好处，保持Al Dente口感，咬落有嚼劲，值得一赞。讲返植物牛肉，质感同香气同真牛肉可以几可乱真。本身系食肉兽一名，一向对植物肉、新猪肉都有啲抗拒。但食完呢碗pasta，我甚至怀疑自己系咪睇错menu，再攞个餐牌确认一次先相信佢系beyond beef。加埋festa cheese食，呢碟pasta居然可以令我对植物肉有少少改观，可算系意外收获！星期日下午茶时间人流唔多，唔洗担心惊阻住人做生意，慢慢享受一个宁静嘅下午同美食，大满足！