影片
更多
2020-04-25
332 浏览
本身谂住午餐过隔离小娘惹，点知小娘惹星期六唔开，搜附近见到依间，好评好似几多，就成班人一齐嚟试试。话晒太古坊附近，都预咗会贵，坐低后自己叫咗食评推介据讲好有锅气既新加坡炒贵刁，同行叫咗喇沙。先评论贵刁，我成碟食晒，纯粹系因为我唔拣食，同埋78蚊+10%唔舍得浪费。依只贵刁比河粉阔，厚身，更有韧性，但唔差，唔会好粉好实，就炒野嚟讲唔差。重点嚟啦，碟贵刁有5，6块腊肠，而d腊肠系唔好食既；又有d洗到脆既虾仁，个人好憎食依只虾，但我知坊间多数中意落太白粉洗，d虾完全无味，同d炒过既贵刁好唔夹；又有d鱼片，切到薄薄地，好普通，又系同炒过既贵刁好唔夹，好彩得两块。碟贵刁食到最尾都几腻，仲有！个竹碟甩毛，有条竹丝插咗入牙肉搞到我牙肉发炎。再讲加个2蚊既杞子鸡汤，其实即系海南鸡会跟既汤，饮多两啖都系唔掂。而且系茶杯装，仲衰过跟海南鸡😂再讲个喇沙，80蚊+10%，椰子汤底，入口小小辣，我系面头舀咗羹都食到唔知椰子定香茅渣。第一啖系几香浓，但饮完无余韵，仲有d水味。至于个米粉……眼望都系普通米粉。朋友话唔好食，差过隔离小娘惹（利申无食过小娘惹，唔系做广告）。唔知openrice咁多好评点得嚟，d嘢系勉强
话晒太古坊附近，都预咗会贵，坐低后自己叫咗食评推介据讲好有锅气既新加坡炒贵刁，同行叫咗喇沙。
先评论贵刁，我成碟食晒，纯粹系因为我唔拣食，同埋78蚊+10%唔舍得浪费。依只贵刁比河粉阔，厚身，更有韧性，但唔差，唔会好粉好实，就炒野嚟讲唔差。重点嚟啦，碟贵刁有5，6块腊肠，而d腊肠系唔好食既；又有d洗到脆既虾仁，个人好憎食依只虾，但我知坊间多数中意落太白粉洗，d虾完全无味，同d炒过既贵刁好唔夹；又有d鱼片，切到薄薄地，好普通，又系同炒过既贵刁好唔夹，好彩得两块。碟贵刁食到最尾都几腻，仲有！个竹碟甩毛，有条竹丝插咗入牙肉搞到我牙肉发炎。
再讲加个2蚊既杞子鸡汤，其实即系海南鸡会跟既汤，饮多两啖都系唔掂。而且系茶杯装，仲衰过跟海南鸡😂
再讲个喇沙，80蚊+10%，椰子汤底，入口小小辣，我系面头舀咗羹都食到唔知椰子定香茅渣。第一啖系几香浓，但饮完无余韵，仲有d水味。至于个米粉……眼望都系普通米粉。朋友话唔好食，差过隔离小娘惹（利申无食过小娘惹，唔系做广告）。
唔知openrice咁多好评点得嚟，d嘢系勉强合格，但咁既价钱都系留比太古坊既朋友仔食啦。
新加坡炒贵刁
$78
23 浏览
0 赞好
0 留言
喇沙
$80
16 浏览
0 赞好
0 留言
张贴
