騷 (已結業)

今日去开尖沙咀行街， 朋友建议去诺士佛台揾嘢食，  都真系好耐冇行开𠮶头，  可以一试。 喺楼下见到有个餐厅广告， 写住单字一个骚， 几特别㖞， 就试下呢间啦。呢间餐厅，有简单的美式装修， 最特别嘅系我一坐底就留恴到喺中间有一套乐器， 应该会有乐队表演卦， 果然不出所料， 坐咗一阵驻唱歌手已经大展歌喉。 宁静轻快的音乐 ，配合餐厅嘅气氛，倾计谈心真系一流。食物方面， 我就叫咗一个墨西哥芝士粟米片， 一份黑松露大啡菇意粉。 嘢食黎之前仲叫咗支叫做油麻地果栏嘅香港手工啤， 饮落去真系好特别 ，好重苹果味， 酒樽上面写住一支啤酒系用四个苹果制作而成，真系诚意之作。 一啖入口， 阵阵苹果香涌去喉咙， 即时胃口大开。小食黎啦，系墨西哥芝士粟米片。粟米片上面铺咗好多芝士粉， 上面仲有一层厚厚嘅芝士， 另外仲有少少茄汁， 食落去香脆， 但又唔觉得热气，份量唔细足够两个人食。主菜就系黑松露大啡菇意粉， 佢卖相好靓 ，除咗两片大啡菇之外， 仲有几粒车厘茄伴碟。 意粉爽口 ，仲有好浓香嘅黑松露味， 如果钟意黑松露嘅人一定要试。 反而呢个主菜有啲细份， 如果可以大份啲就更加好啦。价钱唔贵，系呢个地段系超值，