木船 (已結業)

放咗工同朋友嚟大埔揾嘢食，离到依间食泰国嘢嘅餐厅，木船的的侍应几nice，会问我地有咩需要，而且见到杯水差唔多饮完会帮我地斟水。装修几靓，一边系仿船，有d木桶椅子；一边系复古风，而且有d Q版食物壁画，整体舒适干净😘餐牌亦都有好多食物种类选择，睇到眼花撩乱，例如饮品就已经有好多种，有沙冰、西瓜、椰青等等，食物亦都有好多种类，最搞笑系第一页有教泰文，等紧食物嘅时候都可以学吓😆食物方面亦很好吃，佢地的泰式辣酱味道很好，令到青木瓜沙律非常开胃，混合一d果仁增加口感。小食拼盘有鱼饼，泰式烧卖，炸虾卷，都是炸物但加上酸甜的酱并不觉油腻，而且非常香脆。佢的招牌菠萝炒饭配虎虾，有一串串烧菠萝作配菜，有炭烧味，而炒饭方面配上肉松味道更佳，炒饭内除菠萝粒亦加咗提子干，令到炒饭多了水果酸甜的味道，而虎虾肉相当结实，亦因为佢已经将虾开半而很易去虾壳。饮品方面，泰国巧克力巨人超大杯，朱古力沙冰味浓，而且里面有oreo，KitKat，朱古力酱，充满朱古力味，建议叫多两三个朋友一齐分享。