目利きの銀次Royal Grill (已結業)

其我真系好少行街，自新世纪装修好后一直都冇黎过。今日终于路经黎呢度食个晚饭，突然好想食日本嘢，所以谂住一系千両一系试呢间未试过的。上到黎见到又唔驶排队，所以就扑锤试呢间。说实话都有少少后悔。叫咗一人一杯特饮，一杯巨峰梳打，一杯peach 梳打，2杯都好好饮，可能我一向都钟意呢2种味嘅梳打，同埋呢啲都算系简单嘢，所以好难会难饮。再黎就系杂锦刺身并盘，卖相好好但味道真心一般，好似冇味道咁。三文鱼当然可以，因为流量快，水准一定唔差。但其他刺身真系唔好食。但呢个刺身系抵㗎，因为刺身个数量系好多下。再黎就系関西杂锦海鲜烧饼 - 呢个好好味呢，个烧汁刚刚好唔会太酸，烧饼亦做得适中唔会太淋太一pat咁，系有惊喜嘅！最后就系烧猪颈肉 - 呢个系失望透啦。佢嘅味道就好似揾水白烚完之后，揾火坛一坛个面，然后直接上枱。简单啲讲，系完全冇味。如果唔系有个沙律酱点，就等于白烚猪颈肉，求祈非常。仲要个肉唔爽口，系淋身，有点over嘅淋身。我敢讲呢个叫难食。食物虽然一般，但我确实喜欢佢嘅装潢，有啲热闹嘅感觉，有日本风同居酒屋嘅味道！总括系可以再比机会，有一半嘅𩠌唔好食，希望有其他嘢食ok啦。