裕記大飯店

营业中

休息中

最近我再去裕记大饭店食佢哋嘅烧鹅，真系有啲失望。相比以前，烧鹅嘅质素有啲下滑，而且份量都变得细咗。以前嘅烧鹅皮脆肉嫩，油脂均匀分布，但而家嘅烧鹅就唔系咁出色喇。皮脆度唔够，肉质有啲干同老，整体味道相对差咗啲。 另外我见到只烧鹅上层同下层系分开咗两节颜色，好明显系搭棚鹅，令我有啲失望。半只鹅居然用两只唔同既烧鹅拼凑，真系有啲唔够诚实。我作为食客，希望可以食到一只完整同一致嘅烧鹅，唔想食到拼拼凑凑。 唔止咁，我都留意到烧鹅嘅份量变细咗。以前鹅嘅份量好足够多人分享，但而家嘅烧鹅就觉得瘦细咗。我觉得可能系受北上消费嘅影响，为咗节省成本或客流量减少，餐厅可能调整咗烧鹅嘅做法同份量。  除咗烧鹅，我仲试咗其他菜式 卤水鹅翼同西兰花扒草菇。卤水鹅翼煮得岩岩好，有卤水味道但唔会太咸。西兰花扒草菇，草菇仲系有草青味，厨房事前准备未足够。  餐厅环境整洁，装修简约但有种怀旧嘅感觉，唔会觉得挤迫。