裕記大飯店

营业中

休息中

话说某日家中最高尚宫同无饭不欢o既饭桶老豆忽发奇想，想到深井食烧鹅去。于是举家不理黄色暴雨警告下飞的入去，想揾番多年前令全家沦陷的皮脆肉香深井烧鹅。不过，满心欢喜却变成满肚谷气﹣﹣﹣只烧鹅，o吾系，应该系杂锦拼鹅，全无水准可言。o吾热、o吾香、o吾脆系佢o既特色，迟o黎不在话下，食到好似碎尸案重组咁都系第一次。虽然是次系叫半只，而且都o吾算平，望下间离个Ｄ，有Ｄ仲衰，我应该感谢师傅赐我没有屁股o既烧鹅，阿弥陀佛，阿门！究竟Ｄ烧鹅脾去o左边？莫非一如肯德基o既鸡一样，无咁Ｄ部份？但系奇怪o既系，其他小菜竟出奇好味。芝麻柠汁虾好香口，香芒牛肉粒都o吾错，虾酱粉丝蒸鲜鱿虽然Ｄ鱿鱼o吾够新鲜，但都好鲜味。另外仲叫o左碟菜，一般啦！由于是次主角烧鹅令人大跌眼镜，其他o野几好味都补o吾番，乃奉上喊面一张。