影片
更多
2023-11-16
2224 浏览
呢两日天气突然间冻咗好多，想食返啲暖笠笠嘅嘢，所以就嚟咗中环超级出名嘅老牌名店蛇王芬食碗蛇羹暖暖个身准备迎冬。估唔到平日夜晚都好多人，我哋都要排咗一阵队先有得入座。佢嘅二人套餐望落好抵食，除咗有海鲜，小菜同埋一大碟粉面之外，仲包括主角蛇羹，咁抵食所以就决定嗌套餐。蛇羹对上一次食蛇羹已经系好多年，今日终于可以再食多一次。质素保留以前嘅水准，有蛇王芬独一无二特别嘅汤底，而且汤羹入边材料丰富，又有木耳，香菇，食落就似一碗超级香浓版本嘅碗仔翅。橙酒香橙骨见到橙酒咁特别就心郁郁想试，但好惊香橙味嘅嘢都有啲伏，好似鬼佬中餐咁。但系好彩最后抱着一试无妨嘅心态试咗一试，因为食落高质有惊喜！排骨系使用健康嘅煎焗嘅方法去煮，所以一啲都唔油腻。香脆嘅排骨加埋酸酸甜甜嘅橙味酱汁，配搭好特别，而且好好味！子姜面酱鱼云煲砂锅原煲上嚟热辣辣，最惊喜嘅系鱼云嘅调味超级特别，有好香浓嘅酒味，超级惹味，食每一啖都会忍唔住啜多几下，越食越上瘾，食落就明点解佢写住攞金奖😌星洲炒米食炒粉面饭最紧要就系有镬气，呢度嘅星洲炒米炒得好有镬气，而且充满黄姜味，亦都十分足料，虾肉同叉烧多到数唔晒，啖啖都有配料，大满足😋估唔到蛇王芬除咗有
呢两日天气突然间冻咗好多，想食返啲暖笠笠嘅嘢，所以就嚟咗中环超级出名嘅老牌名店蛇王芬食碗蛇羹暖暖个身准备迎冬。估唔到平日夜晚都好多人，我哋都要排咗一阵队先有得入座。佢嘅二人套餐望落好抵食，除咗有海鲜，小菜同埋一大碟粉面之外，仲包括主角蛇羹，咁抵食所以就决定嗌套餐。
蛇羹
50 浏览
0 赞好
0 留言
橙酒香橙骨
橙酒香橙骨
48 浏览
0 赞好
0 留言
见到橙酒咁特别就心郁郁想试，但好惊香橙味嘅嘢都有啲伏，好似鬼佬中餐咁。但系好彩最后抱着一试无妨嘅心态试咗一试，因为食落高质有惊喜！排骨系使用健康嘅煎焗嘅方法去煮，所以一啲都唔油腻。香脆嘅排骨加埋酸酸甜甜嘅橙味酱汁，配搭好特别，而且好好味！
子姜面酱鱼云煲
子姜面酱鱼云煲
48 浏览
1 赞好
0 留言
砂锅原煲上嚟热辣辣，最惊喜嘅系鱼云嘅调味超级特别，有好香浓嘅酒味，超级惹味，食每一啖都会忍唔住啜多几下，越食越上瘾，食落就明点解佢写住攞金奖😌
星洲炒米
食炒粉面饭最紧要就系有镬气，呢度嘅星洲炒米炒得好有镬气，而且充满黄姜味，亦都十分足料，虾肉同叉烧多到数唔晒，啖啖都有配料，大满足😋
估唔到蛇王芬除咗有蛇羹之外，其他嘢亦都好好食，而且味道系好纯正嘅广东菜，绝对值得一试。
张贴
