1963 木十豆寸

营业中

休息中

相信来呢度食嘢嘅原因都系被装修吸引咗，确实系几揼本，无失望。讲装修我外行，食客请自己评价。食物早有所闻，唔好味。谂住红烧牛肉面最安全，点知最安全的食物最危险。 汤底唔咸，所以D面都唔咸，但系极度油，食每一啖都油到个咀好似搽润唇膏，唔该嗮，但系而家系夏天㖞，我条唇够润。D牛肉俾人煮到柴咁韧，又无味，只牛知道自己块肉俾人咁遭窒，泉下有知真系嬲到攞牛角撬死个厨师。 估唔到成个餐最好味系D配菜， 有三款，车厘茄，薯仔丝，椰菜，腌到酸酸地，够爽脆，正。呢D系咪叫妹仔大过主人婆？我直头想专食妹仔 ，大婆行开（讲紧碗面咋，唔好谂错） 好啦，公平D，黑糖奶茶唔错，黑色啫喱（仙草粒？）代替珍珠，口感唔错，奶茶茶味唔算浓，但算好饮。如果纯打卡，最好叫杯嘢饮坐下就算，除非你想验证下我上面讲ge 系真唔系。