唐人館 (置地廣場中庭)

营业中

休息中

一入到门口，装修真系靓到，灯光加上镜面，还有多个开放式包箱，空间感好强。茶壶用一个比较大嘅金属茶壶，系有啲意思，但茶会冻得好快，水滚茶靓就冇喇！唐人馆叉烧，蜜汁香而唔黐口，叉烧半肥瘦分明，有咬口而咁靭。海鲜肠粉，肠粉皮薄好滑，入面包住啲虾同章鱼等等打成胶，再用一层脆酱炸，食落就好似炸両多咗啲海鲜咁。酒糟鲜鲍鱼就睇得出师傅刀工，咁齐整嘅𠝹花，鲍鱼腍又弹牙。XO 酱雪花牛肉粒炒糙米饭就有啲麻麻，首先雪花牛肉粒巳经睇唔到有冇雪花先，而且牛肉粒好细粒！师傅刀工太强！再嚟就系个炒饭上到枱系烟都冇！食嘅时候系和暖！最后我叫咗个官燕杨枝甘露，燕窝我就冇乜所谓，杨枝甘露反而清甜爽口，再加上芒果同士多啤梨，画上句号。餐厅服务员都好贴心，清枱冲茶都跟得足。