斑蘭

营业中

休息中

约左朋友喺Elements睇戏，早啲过黎医埋肚先入场，拣左间食fusion星马菜餐厅。餐厅环境好阔落，而且装修又靓，用色几有东南亚特色，加埋现场播既泰文歌，真系感觉好似去左旅行咁。就咁睇餐牌望落啲食物好似几吸引，仲会标明系边个东南亚地方既特色菜。泰北冬荫功大头虾汤 $82/位叫左一份大头虾冬阴功汤试下，虽然餐牌写系一人份量，但上到黎都几大份，两个人share我觉得刚刚好。大头虾都好大只，食落系新鲜虾，几好味；冬阴功汤偏重味啲，但唔算辣，酸酸地都几开胃。星洲香辣炒珍珠米 $198星洲炒米就食得多，星洲炒饭就真系第一次食。呢味星洲香辣炒饭都几多配料家，有虾粒、鱿鱼、猪肉同啲豆角，整体炒得几惹味，味道会比平时炒米辣啲啲，珍珠米炒得几干身，唔会痴到一旧旧咁，两个人食份量都几多。新加坡黒胡椒鲍鱼难煲 $228呢个鸡煲几令人意外，上菜时已经一大个陶瓷煲咁上几有特色，煲下面有火暖住，侍应一打开盖就feel到佢炒得几好镬气。唔好睇佢色水好深好似好重口味咁，我觉得反而刚刚好，咸香得黎有啲香茅既香味。鲍鱼有两只，都唔细家，食落仲几嫩口弹牙，火侯煮得刚刚好。鸡件都煮得几嫩滑，挂埋啲汁一齐食几惹味，值得一试。