影片
更多
2011-10-29
227 浏览
早两日师傅忽然间近近地黎个快食叉烧饭, 但喺呢个环头选择真系唔多, 谂到脑都爆之际, 突然间想起呢间食店最近新装修过, 之后仍未试过, 于是师傅决定比次机会佢, 睇下装修后有咩改变先?时间比较早, 所以食店内并唔算多人, 侍应查问下就安排座位, 呢个招呼未装修前肯定冇的, 所以感觉尚算良好! 坐底后即刻睇下个餐牌, 发觉食物款色和种类冇咩点变, 变得最多一定系价钱! 谂左一阵最后决定要碟叉烧红肠饭, 点解要谂? 咪就系单拼同双拼, 单拼三十八, 双拼四十, 反正都系争两鸡, 双拼就双拼啦!落完单, 等左一阵就有得食, 等嘅时间又唔算太耐, 接受到! 叉烧红肠饭卖相都几吸引, 斋睇样都几好, 仲有几条菜心伴碟, 于是师傅先试菜心, 未知菜心未热身定怕生保, 入口发觉佢劲新硬, 基本上一啲都未准备好, 差! 而叉烧真系烧得几香, 肉身松软但外边颇硬, 有少少烧过龙, 所以较干身, 可幸味道有蜜味, 香香甜甜但唔会太甜, 接受到; 至于红肠切得好薄, 所以感觉好似份量好多, 红肠肉质几硬身, 又唔香, 好一般! 值得一提系呢度辣椒油都几香辣, 辣皮油都几有水准!总括黎讲叉烧红肠饭质素一般,
时间比较早, 所以食店内并唔算多人, 侍应查问下就安排座位, 呢个招呼未装修前肯定冇的, 所以感觉尚算良好! 坐底后即刻睇下个餐牌, 发觉食物款色和种类冇咩点变, 变得最多一定系价钱! 谂左一阵最后决定要碟叉烧红肠饭, 点解要谂? 咪就系单拼同双拼, 单拼三十八, 双拼四十, 反正都系争两鸡, 双拼就双拼啦!
落完单, 等左一阵就有得食, 等嘅时间又唔算太耐, 接受到! 叉烧红肠饭卖相都几吸引, 斋睇样都几好, 仲有几条菜心伴碟, 于是师傅先试菜心, 未知菜心未热身定怕生保, 入口发觉佢劲新硬, 基本上一啲都未准备好, 差! 而叉烧真系烧得几香, 肉身松软但外边颇硬, 有少少烧过龙, 所以较干身, 可幸味道有蜜味, 香香甜甜但唔会太甜, 接受到; 至于红肠切得好薄, 所以感觉好似份量好多, 红肠肉质几硬身, 又唔香, 好一般! 值得一提系呢度辣椒油都几香辣, 辣皮油都几有水准!
总括黎讲叉烧红肠饭质素一般, 环境光猛舒服, 服务就有善, 价钱唔算平, 四十蚊双拼, 仲要加一蚊茶钱, 真系有少少屈, 唔抵食! 最后师傅得出一个结论, 系装修前后除左外观同价钱有唔同外, 其他都系咁上下, 所以笑脸就一定比唔到, 再黎机会都唔大!
张贴
