海港酒家

营业中

休息中

自从海港装修后，我同屋企人都冇去过，今晚咁齐人，又去试一试先。一黎就叫咗妈妈致爱—烧鹅半只。果然系烧到皮脆香口， 而且啖啖肉，一咬落去，肉汁同肥油就bi出，配埋酸甜酱真系一流。跟著就上咗个经典牛仔骨，一大阵黑椒同洋葱扑鼻而来，肉质嫩滑，非常香口同埋热锅上枱果然够哂热。我地冇叫到饭配𩠌菜，反而叫咗个鲜虾烩伊面。鲜虾都香口同爽滑弹牙，但个面就冇咩味道，而且配搭个无咩味嘅汁，所以只食到虾嘅鲜而消失咗伊面嘅入味。口痕嘅我就叫多咗两款小食—麻辣口水鸡同酒香鸭舌首先个麻辣口水鸡都几失望，个汁竟然唔系平时食开嘅麻辣酱油，反而系豆瓣酱煮开嘅麻辣汁，成件事变得十级奇怪，仲要十级辣，就连系辣不欢嘅我都避而远之，真系搞唔掂，最后只好放弃咗佢。跟著嘅鸭舌，其实味道同醉鸡一样，用咗醉鸡汁腌好再入雪柜冰冷。食上口爽口又好咬，都几好食，如果再入味啲一定会加分！成餐饭最出色嘅当然系烧鹅啦，呢个冇得输，其次系牛仔骨，其他就中规中矩。另外酒家装饰完嘅环境都几别致舒适，可以黎试试。