YOLO (已結業)

新都城3期近来多咗好多靓靓餐厅，呢间除左餐厅既装修连个名都好吸引眼球。YOLO 就咁睇无咩特别，但原来佢系解You only live once ! 即是要我人一世食物一世，点都要食下。开初俾佢既外观装修吓倒，以为系高级餐厅，但原来价钱极亲民。一个2人晚餐$238，包小食拼盘，主菜2款，2杯特饮，是日餐汤沙律，仲要系好食。Hawaiian Pizza材料简单，但要同时整得好好食都唔容易，即叫即制，芝士浓郁，菠萝香甜多汁，焗到芝士黄金焦香。厚料薄皮，女仔食多块都仲有大把quota。意式肉肠磨菇蕃茄意大利粉蕃茄系新鲜热辣打出来既酱，酱汁好挂意粉。意粉既质地系爽弹爽弹，又一简单而难精既菜式。小食拼盘有韩式鸡翼同炸饭团波波，好有特式，食食下意式又带点韩式。估唔到～～味道好多层次，唔错丫因为本身唔知小食拼盘有鸡翼，另外叫多个炸鸡翼配荔枝酱。咁样听落，咁既配搭好似几伏，但竟然系好味既？！炸鸡翼炸到好松脆，仲要多汁既，配埋特制既荔枝酱，咬落又会突然好清香扑鼻，绝对必试呢款。最后饮埋佢既柠檬特饮，佢系偏酸唔太甜，等你愈食愈开胃。