Amplifier Restaurant (花園街) (已結業)

同朋友去食餐好，去了旺角的 Amplifier, 因为佢真系几好坐。星期一唔算太多人，临窗大卡位可以两人独占，好有气氛。睇得出装修好有心思，餐厅装饰以音乐酒吧为主题。有结他，有 live band 舞台。星期三至日都会有歌听，气氛应该会相当不错。除左装修靓，食物亦系高颜值的，忍唔住要影多几张。樱桃木轻烟熏生阿根廷粉红虾咯嗲 $138新鲜的粉红虾刺身，配上海鲜茄酱，辣辣地又好有香草味，唔错架。除了红虾刺身，仲加入左桂花啫喱、黑橄榄同车厘子。第一次食呢个组合，口感几有层次。法式红酒烩和牛脸 $258和牛脸比和扒更淋滑，亦很有牛味。红酒汁真的好味架，用来烩牛脸是一流的。够大碟，两人分享都唔错。伴碟的薯蓉份量都唔少，仲加入了黑松露，好香好滋味。而配菜有露荀和小蕃茄，几新鲜的。Margarita $98以 Tequila 为主调的鸡尾酒，加上青柠汁，醒神又 refreshing. 焗苹果酥配雪糕 $88好精致的甜品，暖暖的苹果批，再加上冻冰冰的云呢拿雪糕，半溶之间真的好好味。而甜品的伴碟亦系好靓，成件事即刻高级左。甜品配上香浓奶茶，完美的句号。