榮發燒味茶餐廳

营业中

休息中

装修前一直都有帮衬开，虽然唔系好好，但系都算接受到，之前啲侍应我觉得态度都几好嘅，仲记得有次我啲小朋友唔小心倒泻咗嘢，成脚都系啲华田，个女侍应劲好走过来用纸巾帮我个小朋友踎喺度抹干只脚，可惜装修之后好似唔多觉呢个侍应喺度做了。今日去食，放出面啲碗仔仲污糟过之前，之前都未试过咁污糟㗎，又有洋葱又有饭粒，好似冇洗过咁，而家装修咗有个洗手盆喺出面，咁我拎咗个稍为干净少少嘅碗，过去洗一洗，一洗发觉真系好似冇洗过咁，摸落去滑潺潺劲多积（仲要用手指刮先甩），系咪谂住摆个洗手盆喺出边就唔使洗得咁干净？等啲客自己洗？之后最嬲系我个小朋友碗嘢都未食完，就成张纸巾掉咗落碗面度帮我执走咗，我话未食完㖞，讲句唔好意思就走咗，真系食到一肚火。总之一句仲衰过装修之前，宁愿帮衬上面𠮶间都唔想再嚟。