薩莉亞意式餐廳 (Go Go Mall)

营业中

休息中

一装修好就狗冲去食，因为应承过小朋友嘅野系一定要做，唔系佢会日烦夜烦，烦到你死为止......头盘叫左沙律同粟米汤，三文鱼都有四五件，是罗马杂菜沙律，好爽脆，凯萨酱唔多，偏甜唔酸。汤好香浓，偏甜，小朋友系必定钟意的。我地叫左两款薄饼，水牛芝士是必须要的，大小姐指明要食晒，我就再叫野菌鸡肉双享薄饼，配料份量好多，每一啖都食到，但鸡肉味太淡，被茄汁抢晒，而且唔知系咪配料嘅关系，呢款薄饼焗完都太湿，影响口感。点左份意粉，餐牌止有辣椒🌶️图案，但食落唔辣，小朋友都食到，而且好多酱汁，好浓味，意粉亦见弹牙，成个组合都好好。肉食点左膻到不得了嘅焗羊鞍同黑椒焗蚬，个人唔怕膻，所以觉得唔难食，点佢系贪佢够淋，比起呢度嘅牛扒好，差过一次牛，不了。黑椒蚬好够味，一啲都唔腥，唔干，份量又多好抵食。最抵就系饮品，任添任饮，系Nescafé 黎架，饮两杯都回本啦，而且选择多，cappuccino, latte, espresso, mocha, 朱古力，大人细路都岩饮。