薩莉亞意式餐廳 (Go Go Mall)

营业中

休息中

薩莉亞係一間平民嘅西餐廳，因為價錢都好平，嘢食質素都正常發揮，所以都吸引咗好多人嚟食。首先今日叫咗幾樣嘢食，有羊架，都係港幣$79 ，有三件羊架，質素唔錯。仲有佢哋啲飯同pizza，價錢都好平，芝士焗飯港幣30幾蚊，仲有叫咗個Pizza都係港幣30幾蚊，普遍嘢食都係呢個價錢，仲有佢哋嘅飲品吧入邊嘅飲品選擇都唔少，一個成日任飲，價錢係港幣$13，有咖啡汽水同茶包，質素係正常發揮，以一個普通嘅餐廳嚟講算係唔錯。

每次必食嘅芝士薄餅🍕芝士控嘅我表示很滿足唯一嘅係希望有厚底選擇就更加好🤭餐廳食物質素唔差，價錢公道份量剛好，尤其意粉也是必食的👍另外小食分別有雞翼、薯粒、沙律🥗蔬菜、鐵板餐、湯及飯多款選擇提供最開心嘅係飲品分大人同小朋友一個價錢任飲

薩莉亞一直係西餐平價首選，從前以價錢平，食物有番啲質素，打出名堂！隔咗一陣子沒有幫襯，行過見唔多人排隊，㩒張飛幫襯吓喇，順便支持吓香港餐飲業經濟吖嘛！一行四人入座，手機看圖點餐自動波，都係嗰啲薄餅/意粉/寬條麵/雞翼等食品。食品上枱發覺同照片不乎，嚟個野菌蘆筍忌廉粗管麵，變咗忌廉湯麵(有圖)，問吓侍應是否攪錯，佢二話不說就攞起行去廚房(我以為佢都認同，幫我攞去換)，點知跟住攞番碟粗管麵返嚟話係咁嘅，跟住就行開咗！我截住個經理再問，佢都話係咁(廚房唔識煮麵撈就認咗佢啦)，我話同Menu幅圖好大落差，佢就一味話係咁! 唔要就取消! 唉... 唔怪得香港餐飲業生意一落千丈喇！質素同服務都要改善，加緊步伐追返啲口碑，如果唔就死得！希望佢哋會從善如流，不要白廢之前建立的平靚正形象嘛！

很多時候人們覺得吃西餐價錢並不便宜，但這間西餐廳不但菜式種類繁多，而且價錢相宜，味道也不錯，絕對適合一家大小或年輕情侶等光顧呢😆周打海鮮湯🍲有煙肉，薯仔，甘筍，洋蔥等配料，每次來也要點一客喝，味道香濃三文魚沙律🐟鹹鹹的煙三文魚配上爽口沙律菜，加酸酸的沙律醬，用來當餐前開胃菜一流脆脆蝦🦐香脆可口，大大粒蝦肉，價錢便宜，可以一戰原味雞翼（8隻）🐓脆炸雞翼，正常發揮，較支持辣味雞翼🫣帕馬火腿拼盤🥓火腿油亮光澤，充滿鹹香，配飯或意粉一流明太子魷魚蝦仁意大利粉🦑意大利粉爽口彈牙，夠煙韌，配料有數塊蝦仁及魷魚，而且意大利粉亦滿佈明太子，喜歡明太子的你一定要試呢薩莉亞意式餐廳 (雅都商場)屯門屯門鄉事會路112-140號雅都商場1樓S8-10及S24-29號舖

由佢裝修好後開始，外賣自取任何一款pizza，由侍應拎出黎果一刻開始計時，到行到家中打開盒pizza(住餐廳樓上)只係5分鐘路程，永遠都係凍冰冰，暖都唔暖下，有無咁鬼離晒譜呀。凍既pizza真係好難食

好友約會，先去屯門申請回鄉証，然後走走逛逛屯門鄉事會路雅都商場一樓「薩莉亞意式餐廳 Saizeriya 」平民化價錢，非常抵食，可以多點幾款時間很早，下午四點幾😀人客少呀，坐位任你選擇先看看餐牌，二維碼自助點餐 👌 水牛芝士薄餅 $30細細個，底薄，淡淡芝士香香煎焗鯖魚 $34啖啖肉，肉嫰皮脆，香噴噴，仲有薯仔、甜甜粟米🌽香草牛油焗田螺 $30滾熱辣辣，有6粒，牛油香，好食好味小食拼盤 $34好豐富🤗雞中翼2隻、炸蝦 … 粉太多了、香腸兩條、肉丸兩粒香蒜野菌西蘭花🥦 $20黑椒蜆肉鐵板煮 $20改為走黑椒

首次幫趁的我，聽到好多朋友話呢間好食，所以一試！餐牌彩式多元化，價錢～平民化抵食！品質～Pizza批底薄批、多芝士、材料豐富，出菜賣相和餐牌差唔多。首屈一指的平民化pizza餐廳。

薩莉亞Saizeriya | 屯門年三十 遲左起身買完補給品 就四圍搵野食開餐行過Gogomall 內 Foodcourt 見到隔離有間薩莉亞 好耐冇食 所以就衝左入去試唔知係咪就過年 冇咩人食 等左幾分鐘就入得打開個餐單 見到多左好多唔同款式不過我更系叫我地平時食開既野一次叫左五款野肉醬多莉亞 ⭐️⭐️⭐️⭐️⭐️份量同之前一樣無變雞肉多莉亞 芝士焗薯蓉食落唔會話太流芝士份量剛剛好原味雞翼香脆雞球5樣野加埋先系$14x左右好處就係可以試好多唔同款式

午餐時間，由於間店都大，所以都坐唔滿，到步可以直接入座～可以直接手機落單，請少左好多人手，但少人到，賣單時足足企係cashier等左5分鐘，想揮手搵個人來收錢都搵唔到囉⋯⋯⋯如果你想cut減人手，一係你set埋係單到直接付款，一係安排返個人出cashier。Pizza幾好食👍🏻👍🏻羊架幾好食👍🏻👍🏻不過有一半都係肥膏😅😅😅張檯頂盡放到3-4樣野食緊期間至少兩檯客張檯擺唔到野，request轉檯但職員反應都好快，即刻幫佢轉，再有新客來時，都直接安排返大檯👍🏻整體職員好努力，不停跑來跑去補位，但明顯餐廳請唔夠人～食物都Ok，但感覺種類好d少左好多咁，冇乜小食。

✨薩莉亞絕對絕對係窮人恩物，連日本人都勝讚。⭐️價錢平，食物品質唔差。⭐️座位又大又舒服。⭐️平價飽肚嘅意粉焗飯都絕對係大家嘅必叫之選。飽肚精選:本人甚喜歡叫: 墨汁意粉$32野菌忌廉意大利飯$29微辣雞翼(4隻) $19 / (8隻)$34甜蝦沙律🥗$24羊鞍焗爐燒(3件) $69食過嘅朋友，你又中意食邊款？未食過嘅朋友，不妨去試下😋有人話份量少，但2人食3樣嘢，當中有飯或意粉，已經足夠2人飽肚，仲要分分鐘$100內就出得門，絕對稱得上係抵D之霸🥳

每日諗食咩，其實真係好令人頭痛嘅事。諗唔到就通常去連鎖店食唔使諗唔使煩呢度算平靚正嘅選擇，一個意粉甚至小pizza都係三十蚊左右，最鍾意就係長通粉熱辣辣上檯，好多芝士喺面，一畢起就拉絲好正呀～汁唔係非常多，但濃稠度足夠吧住每條長通粉。水牛芝士pizza又係另一必點主菜，芝士味濃郁，平時鍾意食鬆厚批，但呢度嘅薄批又另一一番風味，仲有雞翼抵嗌又入味，面頭燒得金黃，咬落雞汁咇晒出嚟，正！加十幾蚊又可以無限添飲，又搞掂一餐

食物非常差，等得又耐。8:04下單，8:55才有得取😭，共等了50分鐘，用了2分鐘回家，全部食物係凍哂，好失望，短期唔想食，有陰影！點了雞翼，魷魚，蒜蓉包，西蘭花，仲有芝士漢堡全部都凍哂，好唔掂😭。重點係等好耐😭企到腳軟。呢度仲要我寫80字哎，無語了！

屯門呢間薩莉亞裝修之後我覺得整體質素好咗好多，尤其是乾淨咗好多，過晚左，餐牌倒轉埋，張大幾好食，而且好平，不過因為疫情關係，所以員工得返兩個，佢哋好忙碌！叫咗個Pizza $36 ，另外加咗$6芝士，幾好，超級多芝士，好食😋！明太子意粉比較水，不過意粉質地幾好，味道都算唔錯！不過個西蘭花就失望咗啲，唔知點解咁普通嘅西蘭花可以整到爛蓉蓉，好林，太林，所以唔係幾好食。另外叫咗兩個甜品，佢嘅甜品Menu轉左，而家多咗呢兩款雪糕，唔錯！

家人好喜歡食，尤其我喜歡較腍身的pizza, 小朋友最鍾意食菠蘿。。。雖然外賣回家後已經無咁熱，因為隔咗15分鐘才去取，但都好味，好快食完。最有趣係，網上落單，一分鐘後已經顯示有得攞，可能係6點後只有做外賣生意，外賣款不是太多，所以已經可以早點預備好晒。咁咪叫屋企人即刻去拎第一次網上用visa比錢都好方便，以後都會選擇用visa比錢。價錢平，好抵食！周末快、平、方便之選，今晚都想再落單，一個月食一、兩次都幾好！

薩莉亞真心係窮人恩物，平價意粉，係中學既回憶，以前成日同同學去食， 成班人叫好多野食都好抵，d pizza 又超抵食，今次晚餐諗唔到食咩就買佢既外賣黎食。黎親我都會揀佢既黑松露野菌忌廉意粉，黑松露味超突出，混合埋忌廉汁，好 creamy 好開胃，食到停唔到口。今次因為晚餐想食豐富 d, 再加左個芝士煙肉薯角，冇令我失望既芝士好香濃，配埋煙肉同薯角食好正，超邪惡。雖然味道唔係超出眾，但咁既價錢要求唔會太高，不過不失，真係糧尾恩物啦