金田家

营业中

休息中

呢间拉面店其实之前都食过，不过印象冇今次咁深刻。佢装修左之后个场光猛左，menu有冇改过就唔系好记得啦。😂我地八点几食都不停有人排队，似乎都几受欢迎。我地两条友，一人叫左碗拉面，再叫多两个小食同野饮。波子汽水好怀旧，苹果汁饮落似系日本苹果汁，冇死甜味。呢个黑蒜拉面辣辣地好刺激，汤底会heavy少少，但配香葱木耳一齐食感觉冇咁油腻。我几中意呢个汤底，唔会太浓，调味岩岩好，劲多木耳香葱，配拉面超夹。仲有个义烧，虽然薄身，但肥瘦适中，入口几香。饺子都几足馅，记住点汁食。呢个真系新鲜炸起热辣辣，件件鸡都咁大块，真系几抵食。想讲一下服务唔错，店员有礼貌。