古朴年代咖啡．酒館 (已結業)

星期六晚想揾个地方同朋友聚旧，可以坐得耐又唔赶人既地方唔系好多。呢间位于大围积福街既古朴年代咖啡酒馆，装修靓，环境好，气氛又唔错，食饭无时限，仲有board games提供可以玩添，同朋友倾计真系一流。苹果玫瑰花茶好香玫瑰味，用呢个壶装又真系几特别既。水牛城鸡翼有脆卜卜的外皮，不会太油，配上酸辣酱，好开胃，真系一流！香草蕃茄海鲜扁意粉都几足料，个汁清清地，浓度刚刚好。当初俾「骗人的薄饼」呢个名吸引到，因为想知佢点骗人法，可惜最后无咩惊喜。呢个薄饼其实睇落同食落都完全唔似薄饼，批底并不是传统面包底，而改用长形炸米通卜卜脆为pizza底，比较难切开，馅料有肉丸、带子、三文鱼、鸭胸肉等等。味道都几特别，值得一试。呢个心太软份量少之余仲要无咩特别。