影片
更多
2020-07-14
427 浏览
曾经喺装修前食过一次午餐，味道非常麻麻。记得系食干炒牛河，系之前一大盘炒起然后𢳂俾你，并唔系即刻炒。唔够热兼且冇镬气。另外杯热奶茶亦唔够热，一饮之下好唔舒服，惊肚痛，饮咗两啖就放弃。见系黄店，都想支持多几次。后尾见佢装修，加上有疫情，都希望等到佢开可以试吓。最近装修咗，终于有机会去试。即刻叫个开心浩园餐。$49非常之抵食。饮品系冷热同价。葱油鸡扒配三只太阳蛋，见到三只太阳蛋虽然有少少惊胆固醇，但系煎得刚刚好，好靓仔。蛋汁配埋啲白饭同埋葱油，仲有鸡扒，非常之满足。另外，又有一次试咗葱油猪颈肉饭。葱油调味唔错，配白饭食未算太咸，猪颈肉就正常质素啦，未算好惊喜。如果可以配返几条菜就好啦。同行嘅朋友仔叫咗常餐，出前一丁唔使加钱，非常罕见。常餐选择同配搭比其他茶餐厅多，唔错。朋友仔觉得呢间嘅常餐非常丰富，非常满意。其他朋友仔同我讲，试过咖喱牛腩饭，仲有叉烧炒滑蛋饭，都话唔错。有机会可以试吓。支持黄店
见系黄店，都想支持多几次。后尾见佢装修，加上有疫情，都希望等到佢开可以试吓。
最近装修咗，终于有机会去试。即刻叫个开心浩园餐。$49非常之抵食。饮品系冷热同价。葱油鸡扒配三只太阳蛋，见到三只太阳蛋虽然有少少惊胆固醇，但系煎得刚刚好，好靓仔。蛋汁配埋啲白饭同埋葱油，仲有鸡扒，非常之满足。
另外，又有一次试咗葱油猪颈肉饭。葱油调味唔错，配白饭食未算太咸，猪颈肉就正常质素啦，未算好惊喜。如果可以配返几条菜就好啦。
同行嘅朋友仔叫咗常餐，出前一丁唔使加钱，非常罕见。常餐选择同配搭比其他茶餐厅多，唔错。
朋友仔觉得呢间嘅常餐非常丰富，非常满意。
其他朋友仔同我讲，试过咖喱牛腩饭，仲有叉烧炒滑蛋饭，都话唔错。有机会可以试吓。
支持黄店
张贴
