光榮冰室 (深井村) (已結業)

作為餐飲服務行業，除了食物，服務態度非常重要。客戶並沒有要求五星級酒店嘅服務，只是正常茶餐廳的要求。店主講話語氣差，對於客人的要求，聽了等於沒有聽到，比如要求少飯，侍應送來還是一樣，她說：「反正已經裝咗飯，食唔曬倒左佢。」店主講話少諷刺，又串，無論是「藍」還是「黃」，請不要忘記自己在服務行業。食物質素每況愈下，鮮茄豬扒，茄醬，而且好像扔在桌子上給客戶。客戶坐下，要主動要求才有一杯水。可能深井餐廳不多，選擇少，他們才可以為所欲為！

突然好想食羊腩煲原本最少要一日前預訂下晝三點幾試下問即日有冇得攞點知又咁啱可以做到訂咗個4-6人份量有生菜🥬同腐乳汁跟埋羊腩煲分開四個外賣盒裝 份量都好多我地四個人食開咗三盒仲有一盒可以留返第二日羊腩煲裡面有厚厚嘅冬菇 仲有枝竹羊腩都炆得夠晒林不過可能我哋屋企人食得比較淡所以覺得咸咗少少加返啲熱水落去就啱啱好味道超正 又乾手淨腳返到屋企只係轉個鍋煮返滾就可以食下次都一定會再幫襯用WhatsApp訂 超快回覆👍🏻

話說打去叫過外賣，聽電話就係全深井好出名嗰個好惡嘅女人。一打去就話唔得閒住，hold起我電話1分鐘。好！唔緊要知你哋忙。之後落單就話我係唔係睇錯以前個餐牌，跟住一下cut咗線。之後我打返返去，個女人就用啲好差嘅態度同我繼續講嘢，咁我都照引佢，之後落完單叫我俾電話我講到一半佢就cut咗我線。好啦，咁我以為係收唔到定點樣，打多兩次佢都即刻cut我線。我真係唔知自己做錯啲咩啊，都唔好話係咪我係客，人與人基本尊重都冇。真係以後都唔會感受器去嗌外賣

返工時表姐推介去咗呢一間餐廳食嘢😊見到喺OpenRice都有好多人話呢間餐廳好正，就今日要去享受一下！我嗌咗一份雞翼沙律必叫之選，每啖都好有咬口，好juicy，咬下去好有滿足感，大大的享受啊❤️

📍 光榮冰室應該唔洗我多介紹啦，大家都知佢咩料💛快靚正！不過🐷淨係食過深井分店，食過廿幾次🤣呢間分店有室外位，帶埋狗仔都得！—————————————————————❣️ 叉燒滑蛋飯＄51世一✨唔敢話係最好食嘅叉燒炒蛋飯，但係🐷心目中嘅世一 #chuchu推介 仲要好抵，51蚊包飲品冷熱同價！叉燒半肥瘦又唔韌，仲要唔係得一兩舊！炒蛋半生熟又滑又香，仲保留到蛋汁！啲飯嘅硬度啱啱好，有咬口，配埋甜豉油！—————————————————————不專業評分👅好味指數:9/10💰性價比:9/10👍🏻推薦:9/10—————————————————————🏡地址: 光榮冰室 (深井村) (深井)深井深井村54-55號地舖👉🏻好多分店！—————————————————————

新開張燒味部在隔離舖，優惠$68/斤燒腩仔或叉燒外賣，掛起來賣相一般，叫了一斤燒腩仔俾瘦D。包好打開摸上手仲熱，回到家打開吃，啖啖肉肥瘦適中，燒皮好脆口，但有D苦味。

同朋友行完山係深井經過光榮冰室見到煲仔麵就入咗去，店舖都算闊落，卡位夠大，坐得幾舒服。1. 生滾煲仔沙嗲牛肉窩蛋麵 $50 聽到都覺得吸引，上菜嘅時候仲係勁滾，好夠熱。沙嗲味勁濃但又唔會太鹹，牛肉有咬口，唔係用鬆肉粉嗰種，不過略嫌牛肉唔夠入味 有啲淡，個公仔麵唔會煮得太淋，麵底仲鋪咗啲金菇係下面，應該係為咗冇咁易煮到啲公仔麵痴底。2. 生滾煲仔沙嗲牛肉雞扒麵 $54 其實麵底係一樣，只不過係窩蛋變咗雞扒。雞扒成塊冇切放係麵上面，其實係有啲難食，不過佢係即煎 塊雞扒仲係熱辣辣同有少少脆。跟餐送嘢飲 汽水加$5總結食物質素唔差 有個煲熱住個麵係會好食好多 不過都幾大煲 食到後面有啲濟 但值得一試—————————————————————光榮冰室(深井村)深井深井村54-55號地鋪

小弟今日如常地去光榮買晚餐外賣，落單過程清晰簡潔，無論幾刁鑽嘅要求，光榮都會盡全力去滿足客戶。如是，大概少於十五分鐘就可以提取我的外賣，返到屋企後，打開每個份量十足值回票價的外賣餐盒，我就係香氣十足的吸引下好滿足咁進食光榮餐。完饍之後飲完跟餐嘅清澀熱檸茶先發現原來我漏咗身份證同八達通係光榮，當時已經距離我離開光榮接近一個鐘，我亦抱住已遺失的心態去嘗試聯絡光榮睇睇係咪漏咗係餐廳。殊不知，光榮竟然係咁繁忙嘅時間都盡心盡力幫我搵返身份證同八達通。小弟的身份證同八達通得以搵得返有賴於光榮嘅務實誠懇的服務態度和光榮食客的高尚路不拾遺之舉。這正正就係我哋獅子山精神的代表。可以係店家和食客都同樣高尚和心懷相同理念嘅環境用饍真係倍感放心。PS我食完光榮餐後三個鐘頭都未覺頸渴，連食材質素和烹調手法都為食客帶來信心。由於今日取回遺漏的身份證時比較狼狽倉促，所以未能好好答謝店家，小弟一定會長期支持以表謝意。

我從來唔比差評都真係忍唔住.去食早餐, 等咗15分鐘先落到餐, 只不過係叫公仔麵,再等多45分鐘都未有得食,而家都仲未有得食,吹一吹佢, 態度勁差, 個阿姐仲同我講”你唔早啲嚮”,隔離見到個買外賣嘅同我哋一齊等足咁耐...

好多人都推介煲仔沙爹牛肉麵，可惜唔係間間光榮都有售，去到深井光榮，記得有人係沙牛群組推介過，沙牛巨型奄列，咁就試下啦！首先，真係無乜招呼，員工態度都係求求其其咁，心想都有少少中伏既感覺。今日超大風，叫杯熱齋啡暖下先，杯啡黎到，我真係笑左出聲，一個小膠杯加一支超長木棒仔，好古怪，味道不用說了。等等等，30分鐘左右，終於見到沙爹牛肉巨型奄列，都真係幾巨型，沙爹味幾好，不過由於奄到太大，沙爹牛肉略嫌唔夠，食到一半，好似食緊淨奄列咁。另外，廁所又要行去其他地方先去到，仲要非常污糟。因為有好多室外位，幾個朋友食煙飲野加啲小炒，吹水係唔錯既，不過唔好有太大期望。

深井村那邊的光榮，姨姨和哥仔、姐姐都好好人，我話打錯單和多士轉錯冇走牛油，佢地都有幫手做翻。烏冬唔酸，高質，有口感。火腿奄列裏有好多蛋汁。方包有點乾，或者可能因爲我最尾先食，所以俾風吹乾咗，但將奄列夾落去吃，個方包吸曬蛋汁好正。雞扒似翻炸，應該是半熟翻炸，咬落好仲有汁，而且好大。重點係地方大，坐得舒服。（下午茶時段，但我叫常餐。仲有其他下午茶都好正好大。分量有點多，但對於行完山嘅我完全ok

晨早做完運動，揸車回家途中諗起會經過。雖然早一日先係享和街食完，亦因為食過兩次都知道侍應態度麻麻，不過為咗支持一下，都特意泊車買幾份外賣。但結果點3份外賣，價錢真心睇唔明點解1份加2、2份加3。不過我當比貼士都算啦，所以即場都無再問。到外賣做好，走嗰時個姐姐仲好好咁提我2袋都係我既，唔好拎漏。聽到佢咁講，自然覺得佢哋應該執齊，結果就瀨晒嘢，3個餐都可以執漏咗1份煎蛋方包同1份炒蛋方包比我🤷🏻‍♂️ 。未必會再幫襯了😓

好耐冇去過光榮食飯 又突然間想食 落到樓下光榮見入面難得冇乜人排隊即刻衝入去叫左個咖哩牛腩飯 天氣咁凍一定要飲熱野 所以叫左杯熱朱古力 食牛腩又可以保暖 咖哩味道岩岩好 唔會太辣 非常香口

見今日去開深井，又想幫襯的幫襯開既餐廳，開open rice 望一望，就晚上8點去嗌個外賣自取，唸左呢幾樣野:1.A餐叉燒炒蛋飯$48 x22. 一份油菜$123. 兩杯熱檸蜜埋單$131,我問佢會唔會收錯錢，即刻俾人連珠爆發話:我地唔會收錯嫁！你知唔知外賣盒加錢？你果兩杯野飲係特飲加$8你唔知？我以為你地嗌開喎我地平時都係咁收的，唔會收錯嫁然而係尖沙咀都唔係收呢個價，可能我真係搞錯啦，但佢都冇解釋到果$131點黎。。。

喺度嗌外賣，等咗成半個鐘，佢話要蒸我蒸雞都要整三四個字，啲侍應服務態度又差請咁多人做嘢都係廢嘅，味道同所有茶記差唔多。我等得你半個鐘啊我不如去酒樓食啦。唔值得食好普通