雪山冰廳

营业中

休息中

招牌海南鸡饭($58)，份量都几足，数过有8件鸡，鸡肉够嫩滑，海南鸡中间应该有层啫喱状，而佢亦做到，而且去晒骨可以啖啖肉，酱料方面有2款，系辣酱和甜豉油，我个人觉得辣酱唔错，至于个饭系鸡油饭，颜色唔需要好黄色，但口感仍然能散发出阵阵油香。大澳咸鱼茸香煎肉饼($78)，共有6块，肉饼好松软弹牙，而且带有少少咸鱼香味，配白饭一流，每块形状不一，证明用人手新鲜打出黎。公司三文治($35)，材料够足，件件卖相望落都胀卜卜，面包有烘过食落有焦脆，酱汁搽左千岛酱，食完都几饱肚。榛子酱西多士($28)，西多外层炸得好脆，内层松软，而且配搭榛子酱都几夹，一定要加埋食西多必落既糖浆。热柠水(跟餐$0)。华田曲奇秒趣(跟餐$15)，卖相色彩缤纷，好有童年感觉，忌廉下层有一球雪糕，华田味够浓郁，不会淡到好似饮水。