同撈同煲 (堅拿道西)

营业中

休息中

店内装潢得好似回到咗那啲光辉岁月，处处都洋溢著复古嘅气氛。一入门，四周围都系些复古海报同旧时代嘅小玩意，加上啲霓虹灯光，简直就系穿梭时空，直接送你返到咗八九十年代，感觉自己好似主角一样，行喺老香港嘅街头。首先叫个汤底，咸蛋芥菜汤，咸蛋同芥菜搭配，鲜香又解腻，食完火锅仲可以顺便养生，一举两得。点可以少咗肥牛，叫咗一碟本地手切牛肉，一碟极级封门柳；牛肉选料讲究，新鲜又嫩滑，又富有嚼劲，师傅手工现切，一片片薄得透明，轻轻一涮，入口即化，好满足；小食，手工炸鱼皮，脆口得嚟又保持住鱼皮原本嘅鲜味，啖啖肉感，绝对系下酒好嘢；炸酿豆卜，内里填满咗香浓嘅馅料，外面裹咗层金黄酥脆，一口咬落去，香！鱼皮饺，选用嘅鱼皮Q弹有嚼劲，包裹住鲜美肉馅，鲜美滋味直冲味蕾。自家制杞子圆肉菊花蜜，解渴清热，养生又滋补，甜度刚好。最后甜品有怀旧糖不甩，软软糯糯的锦鲤外形，放进火锅里煮一煮再多撒上花生碎，又甜又咸还有些辣味，口感十足；啫喱上面插咗把小纸伞，色彩斑斓，唔止好食，睇落都开心。