花臣車仔麵 (已結業)

黑布间开左间车仔面，装修几特别，所以就去试下啦。行到入去其实真系唔似车仔面店，有只星球大战士兵企左喺度。地下由𠮶层无乜位，不过因为早去，所以都系坐地下𠮶层。我估佢地本身想客人自己点食物，因为收银有部iPad对住客人但无开机，所以我都系用番最老套嘅方法，圈纸仔。款式嚟讲都唔算少，而且有啲特别啲嘅野食㨂下，例如玉子蛋、瑞士鸡翼、日式叉烧等。上菜系几靓仔，不过味道就一般，唔系太入味，可以接受同有进步空间。另外我怀疑佢俾错左日式叉烧我⋯我系想食牛腩。价钱就中规中矩。如果考虑埋餐厅装修同环境，可以一试嘅，因为都坐得舒服，无人赶无人迫。