四季文昌 (已結業)

朋友生日选了这间店试下，经openrice订位好方便，过马路就见到好大个招牌，推门要上楼梯，上到去见到有红色电话亭，有好多书和有张sofa，装修好有文青风格，有影相打卡位。我哋一行6个女仔唔算大胃王，睇餐牌有海鲜套餐或其它套餐好似都几抵食，但有朋友唔食海鲜咁就散点，点了...竹笙椰子鸡一只$268，手切安格斯牛颈脊$288，野菜蓝$68，紫菜响铃$48， 韭菜饺$78，手打墨鱼滑$88，手打丸拼盘$128，腊味芋头煲仔饭(大煲)$128，酱料每位$15 另加一服务费。好开动啦...先煲滚个椰子汤跟住放碟鸡，加上盖后就放个沙漏计时器在煲盖上，沙漏完了鸡就食得， 先饮下头啖汤先，汤底好青甜椰子味，食完鸡就开始食其他食物，火锅食物都好新鲜，我地食到差不多就点了一个大的腊味芋头煲仔饭做主食，大约等了20分钟，一拿来打开盖就闻到腊味加饭焦嘅香味，食落果真好味道，估唔到系火锅店都有煲仔饭食，还煲得几好味有惊喜㖞! 整体装修舒适，服务细心，食物新鲜，价钱与一般火锅店差不多，除了可食文昌鸡火锅，还可以一试个煲仔饭㗎。