浜燒太郎 (已結業)

门面已经好日式，用晒木材同日本食店既旗仔，真系好仲有埋独立房间比我地，每张枱都有个炉，客人可以order矶烧食物。黑芝麻烟肉沙律($58)，蔬菜新鲜仲有滑滑既豆腐粒，加埋经炸过既烟肉碎，好脆口，酱汁系胡麻酱加黑芝麻。海胆鱼籽蟹肉蟹膏烧($128)，睇见已经急不及待即刻拎去烧，将所有野搅拌，食落去口感真系好丰富，又蟹膏香浓味又海胆滑嘟嘟。象拔蚌($88/2只)，好爽口，而且处理得好干净冇沙。矶烧中~牛舌($38/每串)，哩个都系必食之选，有厚度，烧得够惹味和腍身，咬落去仲满口油香。盐烧味噌渍鲑鱼腩($58)，即系三文鱼腩最肥美部位，仲去晒骨，完全啖啖肉，皮亦烧得好脆唔会过㶶，58蚊有3件绝对抵食。天妇罗盛合($88)，有茄子、冬菇、炸虾3只、仲有一样忘记系咩，粉浆好薄口感一流，唔油腻。海鲜丼($138)，有十种海鲜款，每样都好新鲜，个人最喜欢带子，因为大粒又鲜甜，米饭已淋上油渍，甜甜地几好食。