忠仔麵 (御海灣)

营业中

休息中

车仔面店位于屯门御海湾，装潢非常有特色，无论墙上嘅布置、所有装潢都采用非常怀旧嘅风格：例如彩虹邨相片、跳飞机游戏、车仔面档摆设及洗手间模仿公屋的油漆等，似去返小朋友年代。嗱喳（过桥）忠仔面超多𩠌，我自己最钟意牛筋同牛肋条，超级入味！喜爱食米粉，无论咩汤底，索左汁一样会咁好食🤤自选粉面及汤底，腩汁色泽较深，而且非常浓味，赞！呢款车仔面系「忠仔面」招牌菜，超多𩠌铺喺表面，好霸气！瑞士汁芝士鸡脾捞面瑞士汁分开上，唔怕整冧个面。瑞士汁非常好食香甜嘅味道，如果钟意食得比较浓味，用个汁做沾面亦可。鸡髀打人牙骹软—肉质好Juicy;表面大大块烧过既芝士铺上，又香又邪恶！小食即烧BB鸡翼（孜然味）即叫即烧好好食，加埋孜然粉会更香！叫BB鸡翼，系因为采用左迷你版鸡翼，外皮香脆鸡肉嫩滑，送可乐一流。凉拌云耳配鸡肾凉拌个汁调得非常好，咸香配搭少少辣几开胃。个人钟意云耳多啲，又健康、质感又软身。