阿里山 (逸酒店) (已結業)

最近路过见到成行成市嘅古早味蛋糕店，都会特意买来试下，来到呢间阿里山蛋糕店，老板好热情咁介绍佢地嘅各款蛋糕同制作过程，得知佢地每样材料都系细心挑选过先运用，面粉系美国进口，糖系选用韩国砂糖，鸡蛋系试过用好多唔同地方嘅，最后先拣出依家用紧呢款鸡蛋，而且制作过程都好注重卫生，连每一只鸡蛋都会系打前洗干净！每个蛋糕都系以200度焗80分钟，出炉嘅时候会用竹签检查系咪完全熟透，所以每件蛋糕嘅水准都有保证！来到嘅时候刚好遇上芝麻蛋糕新鲜出炉，每到出炉都会敲响个钟同大叫出炉，好有仪式感！我本身不太偏好芝麻味，所以选左其他味道，老板就推介日本蜂蜜柚子味同原味蛋糕面铺满蜂蜜柚子皮粒，酸甜之中带点苦涩，几清新，而内里嘅蛋糕非常绵密松软！想尝到「古早味」就当然要试下原味啦，原味蛋糕好香，鸡蛋味道好突出，口味适中，不会过甜。除左材料嘅选用好严格外，味道好食外，呢间店连细节位都好注重，装蛋糕嘅纸盒系用大豆油墨印制，对人体无害，而胶袋系选用可以分解嘅物料制造，好环保，咁有心思嘅店舖真系值得支持！