囍公館 (已結業)

最近同朋友去西九文化区享受大自然，去到发现大草地摆咗好多提子，影完相摊唞完之后就周围行下睇下文化区有咩餐厅食吓嘢。最后拣咗呢间位于海边嘅囍公馆，餐厅门口非常开阳，长长嘅吧枱对正大草地同海景感觉非常舒适，另外仲有露天座位所以见到好多家长带埋毛孩放风，内里装修非常有特色用咗好多唔同颜色同款式嘅家私，而且更有 free flow & fab 非常好。紫薯奶皇煎堆 ($88) : 荔枝造型卖相非常精致，咬开爽脆嘅外层后，见到里面有劲多奶皇汁，奶皇控必试。发菜蚝豉羊肚菌烧卖 ($108) : 烧卖大大粒又弹牙非常有口感，三粒烧卖都各自配上唔同嘅食材，三款里面自己最钟意食蚝豉烧卖，贪佢味道够香浓够大只。鲜虾红米肠 ($98) : 肠粉皮口感软熟内里非常脆口，完全做到外软内脆嘅口感，而且虾肉非常饱满，钟意食虾嘅朋友咪错过。另外叫咗杯 Prosecco 同 Chardonnay 望住个靓景 Chill 下。