影片
更多
2021-12-27
512 浏览
同朋友到尖沙咀感受气氛，行到八点左右就开始揾食。因为系圣诞节，就锁定去有铁板扒餐嘅餐厅。行行下先倒呢间餐都几多选择，就上咗去试下。餐厅明显唔够侍应，举咗手示意都要成两三分钟先有人应。我叫咗铁板烧汁西冷(七成熟)、罗宋汤同冻柠茶。朋友就叫咗铁板黑椒汁羊架、罗宋汤同热柠水。先嚟餐包同汤。餐包暖暖地，好软熟；罗宋汤好浓，都有几多菜，但系就无碎牛肉嘅。上菜速度比预期快，汤都未饮完就送到。酱汁自己倒，但系块铁板一啲都唔热，酱汁淋落去一啲声气都无。我块西冷几乎全熟，不过总好过系生嘅。牛肉味唔系好浓，但好彩亦唔觉有梳打味，块扒有啲咬口，质地几好。朋友嘅羊架就有啲惊喜，两边煎到好脆，但中间又有好多肉汁，兼且有羊味。虽然我块西冷麻麻，但喺尖沙咀，又系假期，每人都只系食咗$160，而且又无人催你交枱，我觉得都算系咁。
餐厅明显唔够侍应，举咗手示意都要成两三分钟先有人应。我叫咗铁板烧汁西冷(七成熟)、罗宋汤同冻柠茶。朋友就叫咗铁板黑椒汁羊架、罗宋汤同热柠水。
先嚟餐包同汤。餐包暖暖地，好软熟；罗宋汤好浓，都有几多菜，但系就无碎牛肉嘅。
上菜速度比预期快，汤都未饮完就送到。酱汁自己倒，但系块铁板一啲都唔热，酱汁淋落去一啲声气都无。我块西冷几乎全熟，不过总好过系生嘅。牛肉味唔系好浓，但好彩亦唔觉有梳打味，块扒有啲咬口，质地几好。
朋友嘅羊架就有啲惊喜，两边煎到好脆，但中间又有好多肉汁，兼且有羊味。
虽然我块西冷麻麻，但喺尖沙咀，又系假期，每人都只系食咗$160，而且又无人催你交枱，我觉得都算系咁。
张贴
