犀牛犀牛 (T.O.P This is Our Place) (已結業)

我觉得自己帮衬系好错，因为阻住个员工坐同倾计！喺Oper Rice 叫咗外卖，无接，call 间店，无人听，去到见到个女女坐咗喺度，好得闲，后面有个洗紧嘢嘅，两个倾紧计，已经心谂，咁都漏单，同佢讲买咗外卖，佢知自己漏咗，半句唔好意思都无，仲要西住面问我，依家整，仲要唔要？！我心谂都俾咗钱，咪等一阵，ok 嘅，虽然我真心感受到佢有几唔满意我阻住佢坐同倾吓，我仲要好心提佢个电话无人听，真心只系提佢，我自问无西样，但后面洗紧嘢嘅竟然答我，个电话系无人听架！佢态度冇问题嘅，但个回应真系好令我要反问一句，咁放个无人听嘅电话俾客打嚟做咩？！啲嘢好唔好食系一件事，但请到啲咁高质嘅员工，真心祝好运！另外，佢嘅抽风系统亦都明显有问题，劲大烟，只系企咗大约5-10分钟，已经成身油烟味。