犀牛犀牛 (T.O.P This is Our Place) (已結業)

之前買過幾次蛋餅都OK，今日買嗰個簡直係同之前兩種產品嚟，餅皮硬，醬汁又少，完全唔夠味，而且啲肥牛有好多筋位，入面啲肥牛同生菜都比之前少好多，簡直係冇一樣係得嘅

我覺得自己幫襯係好錯，因為阻住個員工坐同傾計！喺Oper Rice 叫咗外賣，無接，call 間店，無人聽，去到見到個女女坐咗喺度，好得閒，後面有個洗緊嘢嘅，兩個傾緊計，已經心諗，咁都漏單，同佢講買咗外賣，佢知自己漏咗，半句唔好意思都無，仲要西住面問我，依家整，仲要唔要？！我心諗都俾咗錢，咪等一陣，ok 嘅，雖然我真心感受到佢有幾唔滿意我阻住佢坐同傾吓，我仲要好心提佢個電話無人聽，真心只係提佢，我自問無西樣，但後面洗緊嘢嘅竟然答我，個電話係無人聽架！佢態度冇問題嘅，但個回應真係好令我要反問一句，咁放個無人聽嘅電話俾客打嚟做咩？！啲嘢好唔好食係一件事，但請到啲咁高質嘅員工，真心祝好運！另外，佢嘅抽風系統亦都明顯有問題，勁大煙，只係企咗大約5-10分鐘，已經成身油煙味。

小編已經唔係第一次幫襯犀牛犀牛🦏，對佢哋出品嘅食品都幾好印象 😊 知道今年又有生粉喺度做🦊AK老闆嘅生日應援，自然出開去旺角就去幫襯同打卡啦！😉🍹 檸檬綠茶 (凍) 😋😋😋😋大大杯「勿忘初心」嘅紙杯設計係signature～ 清爽嘅凍檸檬綠茶，檸檬🍋味好出，淡淡茶澀，OK～ 揀咗少冰微糖，冇乜甜味，下次可以揀返半糖 🤪🫔 招牌肉蛋捲餅 😋😋😋😋未試過佢哋嘅招牌肉蛋，依次叫嚟試下～ 接到上手係非常之熱辣辣 ♨️ 捲餅又酥化又香，食到蛋嘅原味，豬肉微微醃過，一啲都唔乾～ ☺️ 整體調味較淡～ 想食濃味少少嘅，可以試下其他口味！午餐 💵💵 約港幣$60/人💁🏻‍♀️ 依個份量做午餐一定夠女生食飽 😆 依間分店有少量座位同立食位，燈光光猛令應援海報同展板睇嚟起特別精神 😎 生粉今次設計生日應援都好高質，以日系雜誌封面設計做主線，同🦊老闆特別襯 😚🙆🏻‍♀️ 最後，喜歡嘅話，歡迎follow @foodirectory.hk ！

ᯅ̈.ᐟ 犀牛犀牛 * ✿ 芋圓波波熟成歐蕾 $ ³⁹ʰᵏᵈ✿ 黑珍珠厚鮮奶 $ ³⁶ʰᵏᵈꕀ伏伏伏伏伏(ˉ ˘ ˉ; )犀牛犀牛好像開了蠻多分店的每次去逛街總會看到他的身影飲品選了少冰但喝下去好像加了水進去一樣味道超級淡 茶味.. 幾乎沒有芋圓波波和黑珍珠都偏硬看到店內很多人吃蛋餅可能蛋餅會比較好吃（？）𓂃 𓈒𓏸❁⃘⌫ 犀牛犀牛 (T.O.P This is Our Place) (旺角)旺角彌敦道700號T.O.P This is Our Place3樓312&313號舖 ✎﹏#香港咔嚓 #旺角咔嚓#hkfoodie #hkfood #旺角美食#香港美食 #hkig #foodie

花生醬培根起司蛋捲餅💰39今次揀呢個口味完全係為左試伏🤣平時都幾鐘意食花生醬既🥜今次就想睇下花生醬加埋其他配料會有咩火花🔥個人覺得花生醬同其他配料唔係話真係太夾🤫食到一半左右都開始有啲膩🤰🏻但捲餅係幾酥脆既 可能下次試其他味會好啲～😤香脆薯波 配蒜味美乃滋 💰22薯波合格 係好食既薯波👍🏻✨其實重點都係好想試佢個蒜味美乃滋😌結論係 可能期望太大 無想像中咁特別👉🏻👈🏻美乃滋偏甜口 無咩蒜味 無想像中既咸香感😗黑珍珠奶茶(熱) (跟餐)💰23 好飲 覺得熱既珍珠奶茶 入面啲珍珠特別煙韌有咬口🤣🤣宇治抹茶鮮奶 (跟餐) 💰26偷飲左朋友仔既一啖😬唔知關唔關叫左少甜事 覺得無咩味😗飲唔係好到茶味同奶味 好似飲左啖冰水咁🫠

係top度買咗個綠茶加椰果 綠茶價錢$25 加料就$6 total$31 加6蚊嘅料其實都少貴 不過量都有返咁上下都ok咁其實味道唔差 幾好飲先飲到最尾 淨底好多椰果咁梗係要搣開食埋 一搣開倒咗啖入口就見到條頭髮🤢個下真係X岀聲 諗返起頭先飲嘅茶浸住條頭髮都嘔出嚟

行街經過見到 記得係葵廣飲過一次烏龍珍珠奶茶 茶味好濃好正 於是見旺角都有就試下 同樣叫白珍珠烏龍奶茶少甜少冰 但第一啖飲落去好似飲水咁🫠 無茶味 奶味都好少 唔知飲緊啲咩 啲珍珠就普通珍珠 冇乜特別雖然預咗啲茶飲店都係污糟 但望住個睇落係full time 定唔知經理級嘅女士 一路沖飲品一路噴曬口水咁同啲part time傾計 成件事覺得更加污糟🤮仲要傾得好大聲 成間店唯一好係有位坐 不過都係有啲污糟 下次應該唔會再試旺角呢間 好伏🥲

《犀牛犀牛 - 旺角》其實平時真係好少飲呢D肥仔水，不過天氣熱又真係會想飲D 冰凍既甜野，呢間野近來又有少少名氣，所以就黎試下啦 簡簡單單叫一杯飲品，同店員講完要咩後都無咩再特別交流，因為全程佢都無出過聲，可能太攰？飲品到左又無講無盛，如果唔係自己走去望下係咪自己杯野都唔知已經整好左，同店員講聲自己個No. 後問佢拎唔拎得，佢望左眼無理到我，有點無奈地拎左自己杯野就行開啦，費事阻住佢啦，短短幾分鐘既等待俾人整體感覺都唔太好，自問當日唔該前唔該後，而店內又唔係太忙啦，照計無得罪佢丫Btw 野飲好飲既，但唔會再Encore 啦

我叫左個招牌肉蛋餅。使用台灣直送蛋餅，保證了食材的新鮮度和品質。肉蛋餅的餡料充足，外皮酥脆，整體口感不錯。然而，我發現這道肉蛋餅的味道略顯平淡。雖然餡料充足，但是它缺乏足夠的調味料，沒有令人印象深刻的口味。這讓我感到有些失望，因為我期望這道招牌菜肴能夠帶給我更加豐富和美味的味蕾體驗。總的來說，犀牛犀牛是一家值得一試的新興餐廳，而肉蛋餅也是這家餐廳的招牌菜肴。雖然使用了台灣直送蛋餅，但我認為它的味道還需要進一步提升。如果您正在尋找一家新興的餐廳，犀牛犀牛可能是一個不錯的選擇，但請不要對肉蛋餅的味道抱有過高的期望。

今日叫左個外賣 其中一個係日式辣味噌豬五花吐司一打開個吐司盒已經覺得好唔對路，黑孖孖甘😰啲豬五花又黑又乾，乾到成塊豬肉乾咁我叫既究竟係辣味豬五花吐司定辣味豬肉乾吐司😓想知出餐前究竟有冇真正咁望過先去出比客食？可唔可以檢討下？

同friend一齊買嘢飲😓見到啲吐司好似幾吸引，然後叫咗個芋泥金莎熱壓吐司同埋一杯伯爵奶茶，friend就好似叫咗個朱古力珍珠奶茶。伯爵奶茶要咗少冰，正常甜度，成杯嘢飲落一啲甜味都冇，本身以為自己食咗甜嘅芋泥所以冚過咗奶茶啲甜味，之後一路再飲落去係真係0甜味，完全唔知自己飲緊咩🥵，如果正常冰度諗應該同飲水無分別，我朋友就話佢嗰杯好苦，大家最尾都係飲咗一半就掉咗。最誇張係個熱壓吐司😤，入面啲金莎係酸嘅，酸到好似乳酪咁再酸啲，真係好誇張，個店員仲要話有聞過冇事，後尾佢哋有問要唔要整新嘅或者換過第二款，不過真係一啲食慾都冇晒😀整體而言體驗極差。

之前係西環食 覺得熱辣辣好足料先再買 今次係旺角買 點知一拎起手嚇親 份多士好薄一啲芋泥都見唔到 又細份 仲要要成$40 太唔值 以後都唔會再幫襯 雖然即叫即整 摸上去仲係暖 但完全偷工減料

我外賣自取，寫明茶濃，但同正常冇分別，北角匯好飲好多，起碼係真係飲得出好濃茶味，而且服務態度都好好多，旺角Top尼間，服務員坐係度食野挽電話，我五係話咩，只係佢黑口黑面，然後又五講野，指示完杯野比我之後繼續食佢個蛋卷挽佢既電話，我五係要佢好好服務，亦都唔係要佢笑住咁服務，只係個樣可以五洗咁西。不過算啦，希望下次茶濃既位可以改善下真係飲得好五開心，滿心期待既野飲，同埋間野已經夠冷清，沖出黎既野飲五應該係咁，好失望。

想食個捲餅當晚餐, 真係想多了. 我點左$49韓式牛五花捲餅, 諗住豬五花腩咁樣厚厚一大片, 原來係類似日式牛肉蓋飯嗰種, 汁煮洋葱牛肉絲. 牛的確係靚牛, 牛味非常濃郁, 個汁係好香甜, 仲夾左少少炒蛋同生菜, 千層捲餅又鬆軟又煙靭, 全部都好食, 只係份量~真~係~少, 同食左6粒章魚丸子差唔多, 又貴好多.其中一個回本既方法係點多杯飲品, 飲品跟餐-$10.  我點左$28熟成紅茶奶茶+$6小芋圓. 幾大杯, 芋圓好新鮮好煙靭, 至於熟成紅茶....飲唔出有咩特別, 可能奶味太勁蓋過了, 下次試下唔要奶. 難得飲台式飲品有位坐, 咁多座位, 仲坐得咁舒服, 空間大, 又有partition俾小小私隱, 又有枱, 就當係俾多小小錢買個位坐啦. 

因為晏啲會同朋友食飯，見有啲口渴，經過買咗兩杯百香果茶，叫咗少冰微糖，飲完唔知自己飲緊乜，無味🤪見到佢menu啲蛋餅好似幾吸引，今次要去食飯所以冇試，下次會試蛋餅或者吐司，不過啲飲品真係麻麻地😶