Gastrobox The Union (已結業)

自从港岛西区和南区都有地鉄之后，真系方便咗好多，但今日都系第一次同𠮶朋友搭地鉄去西区行吓同埋睇吓有啲乜嘢变化，因为都好耐未踏足过西区，落车行咗出𠮶地鉄站之后，感觉真系变化好大，有好多新嘅建筑物同埋多咗啲餐厅，行咗个零钟后，就同个朋友揾咗间餐厅食埋饭先走，因为都有好多不同菜式嘅餐厅选择，我俩都谂咗好耐，终于决定系呢间 位于坚尼地城 卑路乍街 嘅餐厅(GASTROBOX)，环境同气氛都唔错，餐牌内嘅食物都有好多选择，朋友叫咗一个卡邦尼忌廉意大利粉，我就叫咗个烤特级安格斯西冷(十安士)配 蒜蓉包，饮品要咗一杯柠檬茶，意粉先上，我食咗少少，忌廉味浓，意粉软硬适中，好夹，跟住来嘅系我至爱之一，西冷，我叫咗五成熟，外表好似太熟，但切开后，里面重系有啲红红地，口感唔错，加埋𠮶汁，真系不得之了，好好味，叹埋杯柠檬茶，真系正，朋友都话呢间餐厅啲食物好有水准，下次可以再来。