一鍋堂 (XX Arcade) (已結業)

一出粒已经闻到好大阵up味，几肯定系太耐唔清嘅油益味。同前台讲有book台，跟住报埋no.俾佢听，佢嗌我扫安心出行就入得去，跟住坐咗5分钟发现唔对路，嗌隔离执台嘅侍应帮手开炉，侍应个耳仔似乎聋聋地，我至少重复咗三次，佢先至听到，同我讲话要去前台开单。去到前台发现前台倾紧偈，完全唔为意我嘅存在，我又重复咗三次冇人开炉，佢先梦醒时分，西口西面同我讲「你都未开单」，之后终于开到单坐低，又陷入沉默，十分钟之后终于开到炉。食唔够一个钟就嗌last order（同评论区某位食客经历一致），顺带一提啲肉有部分系冻到铲都铲唔郁。之后埋完单就再冇见过任何侍应，系，你冇听错，连收银都冇人。我哋一路食到个锅干水，字面意义上嘅一滴不剩⋯⋯