影片
更多
2020-10-10
1656 浏览
嚟红磡，最常嘅就喺有白事要出席，今次喺老友嘅爸爸过身，做兄弟嘅梗喺要帮手。小弟获分配坐门口接待处，由于老友家人决定以传统嘅道教仪式进行，所以，要5:00pm坐到9:00pm。故此，到殡仪馆前整个下午茶打打底，从网上揾到「平记」，因为见风评好似几好。一入门口，估唔到近乎满座，只喺得对搭枱卡位，而餐厅环境都几逼吓，用啲大大小小嘅胶板做间隔，其实，对防疫都喺做个样而已。而小弟坐晌卡位，有部份卡位专登加多块胶板晌枱中间隔开两边，喺方便搭枱做多少少生意，其实，我觉得都OK嘅。本来，一心一意嚟叹个菠萝油，晌铺面贴晌玻璃窗嘅下午茶餐，都有标有菠萝油供应，但坐低后睇睇下午茶餐牌，竟然无咗，有点错愕，既来之，则安之，就食份西多士。而其他时段，餐厅仲有啲咩食物供应？两页外卖纸贴埋出嚟就一眼睇晒。餐具放晌枱边柜桶，差不多已然成为标准，之前晌其他食评都讲过，呢个做法晌疫情期间就唔太好，唯有自行洗洗消毒，但更需留意嘅喺，就算唔喺疫情，个柜桶就咁揾啲纸皮垫底，仲有唔少黑点同污渍，呢个就……！西多士 $27西多煎得有点焦香，而糖胶以胶樽成支咁上，落多落少可自行安排。依家出面好多做西多都喺夹有花生酱馅，但呢度就无嘅，
一入门口，估唔到近乎满座，只喺得对搭枱卡位，而餐厅环境都几逼吓，用啲大大小小嘅胶板做间隔，其实，对防疫都喺做个样而已。
而小弟坐晌卡位，有部份卡位专登加多块胶板晌枱中间隔开两边，喺方便搭枱做多少少生意，其实，我觉得都OK嘅。
本来，一心一意嚟叹个菠萝油，晌铺面贴晌玻璃窗嘅下午茶餐，都有标有菠萝油供应，但坐低后睇睇下午茶餐牌，竟然无咗，有点错愕，既来之，则安之，就食份西多士。
而其他时段，餐厅仲有啲咩食物供应？两页外卖纸贴埋出嚟就一眼睇晒。
餐具放晌枱边柜桶，差不多已然成为标准，之前晌其他食评都讲过，呢个做法晌疫情期间就唔太好，唯有自行洗洗消毒，但更需留意嘅喺，就算唔喺疫情，个柜桶就咁揾啲纸皮垫底，仲有唔少黑点同污渍，呢个就……！
西多士 $27西多煎得有点焦香，而糖胶以胶樽成支咁上，落多落少可自行安排。依家出面好多做西多都喺夹有花生酱馅，但呢度就无嘅，单一厚少少嘅面包（非台式类嘅厚多士），牛油都喺随意一抹仔，整体嚟讲，无话好差，亦无话好好。
热奶茶杯奶茶几对评，入口茶味浓郁芳香，而茶奶比例合我心水，够平衡，唔会话边样过于多；口感方面，都算滑嘅，但未至于如丝般滑。
今次嘅茶餐，当然有点失望，打算试菠萝油，但无咗，所试嘅西多士，亦非预期，$27唔叫贵，但倒不如去某家快餐店，因为呢个价可以喺西多搭红豆冰，哈哈，仲唔使坐到咁逼。
张贴
