Ufufu Cafe (已結業)

今日与好友食完正餐，就去食一食甜品。因为朋友介绍而来到呢一间日本餐厅，听闻芭菲系呢间店特别有名，所以从过百款芭菲当中，选出左几款。当中有士多啤梨菠萝酸奶芭菲，朱古力x云尼拿雪糕配OREO雪糕芭菲，等等。每一杯芭菲都有一片鲜橙，值得赞嘅系，鲜橙嘅皮已经有一半系分离嘅，所以食落唔会好狼狈而水果同酸奶、雪糕比例均匀，互相之间好配合。我同时亦叫左法式西多士，岀奇地，与平时食开嘅西多士不一样。外皮与平时食嘅面包一样，较难咬开，但系我觉得可以接受。最具特色嘅系，西多士可以同雪糕、cream一齐食。但系店员就无主动教点食嘅，要食客自己领悟喇我就习惯先食西多士，再加一匙雪糕，然后一匙cream。三者味道之间形成重味混合物，简直一绝。 呢间餐厅装潢唔错，有气氛，食客坐嘅位置松动、唔会迫。而有waiter系日本人，所以我地要用英文叫餐。唯一不太好嘅系，餐厅要食客每人都至少要order一份食物咁样有一种强迫嘅感觉，好似无左少少自由咁。