紅茶冰室

营业中

休息中

响尖东附近做嘢中间都系冇时间食嘢，所以继续叫外卖，其中一个朋友想食啲甜嘢开胃啲嘅，所以就谂起食西多士，跟住揾到呢间红茶冰室，见佢个位置都比较近，谂住应该送外卖嘅时间都比较快，结果都冇令人失望，嚟到啲嘢食都仲有余温。朋友要咗个招牌芝士流心西多士，我睇见都忍唔住食咗两啖，佢嘅糖浆已经加咗落去个盒度，个人会比较喜欢糖浆分开自己加落去多啲，不过咁样都冇乜嘢问题，系食到收尾觉得糖浆好似唔够。讲返个西多士里便嘅芝士份量都好足够，朋友食完都已经觉得好饱肚，同埋味道都觉得好好。我就叫咗个咖喱牛脷饭，牛脷嘅份量都好够，咖喱嘅味道亦都好好，牛脷本身有煎过吓嘅，咖喱汁亦都系分开上，所以嚟到嘅时候都暖暖地，同埋食完之后大部份人都应该觉得够饱，总括嚟讲都系值得一赞嘅。